ارجو النصيحة لو تكرمتم
السلام عليكم
لو سمحتم انا حابب اخد رايكم في موضوعي واتمني اصحاب الخبرة او اللي في نفس حالتي يجاوبوني
انا مقيم في الخليج من كذا سنة وطبعا كلكم سمعتوا بظروف الخليج الاقتصادية الان والوضع تقريبا بقي مجهول للايام القادمة ومش حاقول السنة القادمة وانا في مصر معنديش سيارة خاصة وطبعا ليا اسرة واطفال وشايف الاسعار كل شهر بتزيد بارتفاع مهول وطبعا مفيش حاجة بترخص في مصر
انا مش عارف هل اشتري سيارة دلوقتي ؟ طيب حاحافظ عليها ازاي مع العلم ان مقدرش اقول لحد من عيلتي يخلي باله منها او يتابعها لظروف كتير جدا وهل لو اترفعت مثلا في جراج هل بيكون امان والتكلفة قد ايه
ولا انتظر حسب الظروف وحسب استقراري في مصر
انا محتار جدا ومش عارف اعمل ايه لان حتي قيمة المال اللي شايله بتقل كل يوم وشفتم كلكم في شهر نوفمبر اللي فات نص فلوس الواحد راحت بكلمة تعويم فايه الحل
ارجو النصيحة ولو اشتريت الان ايه افضل سيارة اوتوماتيك فقط تكون كويسة في الطريق وتنفع لعائلة تقضية مشاوير وليست سفر او هرس او اشغال شاقة
اسف للاطالة واتمني اني الاقي اجابة باذن الله
|