السلام عليكم احبائى اعضاء المنتدى الكرام
عربيتى بقالها معايا 6 سنين الحمد الله معملتش اى حاجه
زيت الفتيس تم تغيره مره واحده على عداد 20000ك
حاليا العربيه عامله 43000ك
كنت مسافر اسكندريه وماشى تقريبا على سرعه 185\س
وفجأه العربيه هبطت منى و RBM نزل واحده والعربيه
بتفرمل نفسها كأنك بتسقط نقلات (الجير ستيبترونك)
وبعدين ظهرت علامه التشيك + علامه الباركينج
المهم ركنت العربيه ووقفت وبعدين اجرب النقلات استجابه الفتيس تقيله جدا والعربيه بتطلع بالعفايه كأنى حد مكتفها والنقلات اختفت من على شاشه الكمبيوتر كأن الفتيس مفصول عن العربيه
بطلت العربيه وسيبتها شويه وفتحت الكبوت ابص اشوف فى ايه غلط ملقتش حاجه غريبه
رجعت دورت تانى الفتيس رجع اشتغل تانى بدون مشاكل وعلامه الباركينج اختفت وفضلت علامه الاتشيك موجوده
وكملت سفر لحد اسكندريه تانى بدون مشاكل ورجعت من اسكندريه ع البلد بدون مشاكل (مشوار 4 ساعات رايح و4 جاى)
المهم اول ما رجعت روحت عملت تشيك ع العربيه بالكمبيوتر وظهر الكلام ده ( حراره مرتفعه بحساس ناقل الحركه)
وعملنا تشيك ع كنترول الفتيس والصمامت مفيش اى اعطال .. العطل الوحيد درجه الحراره ده
الكلام ده معناه ان فى حاجه غلط فى دوره تبريد زيت الفتيس وده ياما فى تسريب ومع الكشف تبين ان مفيش اى تسريب
او ان فى خلل فى سربنتينه تربيد زيت الفتيس الداخليه وده كان هيبان فى فربه المياه
او ان الزيت نفسه نقص بطريقه ما بس ايه الى ممكن ينقصه فى عربيه جديده لسه ومفيش اي اثر للزيت او الترسبات فى العربيه
او ان الزيت اتحرق وعاوز يتغير
طيب انا حاليا دلوقتى اسلم واسهل خيار ودامى هو انى اغير زيت الفتيس
بعيدا عن كل ده بس انا اتعودت ان بحكيلكم كل حاجه بالتفصيل عاوز اعرف ايه رأيكم فى المشكله دى وايه استنتجاتكم وسببها ؟؟
منتظرالاجابات والافتراحات يا جهابزه المنتدى