رد: برنامج المعاش التكميلى + مكافاة نهاية الخدمة قناة السويس للتامين باسعار و تخفيضات رهيبة
شكراً جزيلاً وقصد حضرتك واضح ..
حضرتك عارف اننا بنبنص للتأمين ، كتأمين وبرضه من جانب آخر نوع من أنواع الاستثمار اللى ممكن نستفيد منه لما نعجز ومانبقاش قادرين على الشغل ان ربنا ادانا عمر ..
فلما نقارن بينه وبين شهادات البنوك مثلاً ، هنلاقى ان البنوك مافيهاش موضوع الضرائب ده خالص ، والمبلغ اللى بتحطه بتستفيد من عائده بدون ضرائب زى ما حضرتك عارف ، فالمفروض اننا نعرف كل التفاصيل علشان نقدر نحدد هنستثمر فلوسنا ازاى ..
وأنا فعلاً كلمت حضرتك لما كان فيه لبس فى تحديد قيمة الفائدة مع زميلكم فى الشركة ، لكن فى حالة المعلومات العامة بخصوص الوثيقة فأفضل اننا نتناقش هنا خصوصاً ان فيه زملاء ليا عايزين يعملوا نفس النظام وبيتابعوا الموضوع ده ..
طبعاً خصم القسط من الضرائب حاجة كويسة .. بس يا ريت حضرتك توضح عن كيفية تحصيل الضريبة وقيمتها فى نهاية الوثيقة أو فى حالة الوفاة مع الشكر ..
|