[magdy_c_c]

المشاركة الأصلية كتبت بواسطة Eng/salwa عاوزة اصبرك بحاجة أخى الكريم ربنا يؤجرك على فقد طفليك ويجعله فى ميزان حسناتك أنا عندى إبتلاء لن تصدقه لقد خطف منى إبنى الكبير منذ 1994 وكان عمره وقتها عامين فقط والله والله ليس إهمال وفضلت اتلقى اتصالات هاتفية ونصب على فى مبالغ لا تتخيل المعاناه والانهيار العصبى اللى تعرضنا له ولم يعود الولد حتى الآن ولا انساه وتمنيت لو كان مات ودفنته كانت نار قلبى بردت ( ولكن لو تفتح عمل الشيطان ) ومافيش حد يختار إبتلاؤه والحمد لله على ما أعطى و على ما أخذ إستودع أبناءك أخى الكريم عند خالقهم كما فعلت أنا وزوجى وادعى لنا بالصبر فقد عانينا كثيرا وربنا يصبرك انت وزوجتك انا لست حمل هجوم من أحد ولا يهمنى مبارك ولا مرسى و لا إخوان أنا بتكلم عن أوضاع قديمة لم تفرق كثيرا عن واقعنا بل إزداد الوضع سوءا وكل ما اتكلم يتهمونى بفوبيا الهجوم على الاخوان و يقولوا الصبر الصبر الصبر الصبر له حدود والى متى سيعانى المواطن فى مصر يارب كل واحد يلوم عليه لا يزوق ما زقته انا وزوجى اللى عاوز يعيش محترم فى البلد ( يتعالج بكرامة - يعلم أولاده - يأكل - يلبس - يعمل - يسكن - المتطلبات الرئيسية للحياة ) مش عاوزين لا الجمبرى - المكسرات - النظارات الشمسية اللى عاوزين يزودوا جمركها علشان رفاهيات عاوزين نعيش يا بلد حرام عليكم ربنا يحفظكم جميعا واولادكم و أسركم والسلام عليكم ورحمة الله وبركاته

لا اله الا الله
فعلا اللى يشوف مصيبة غيره تهون عليه مصيبته
ربنا يصبرك يا باشمهندسة و يتم شفاء زوجك على خير يا رب
و ان شاء الله ربنا يجمعك بضالتك
و حسبى الله ونعم الوكيل فى كل اللى كانوا السبب فى ضياع أولادنا