ده مش مطب ده كمين (خلي بالكوم)
السلام عليكم
امبارح بالليل اكلت مطب بالفيرنا
هو مش مطب ده كمين , المطب بعمق حوالي 30 سم وعرضه 3 متر ومليان من النص عالي و واطي (فعلا كمين)
تخيلو فين (طريق الأسكندريه القاهره)
تقريبا الأسفلت مخلوع ولا ايه مش عارف
انا مكنتش بجري (110) قانونى
طبعا الرزعه طيرت كل حاجه حولىا
ركنت بعد حوالي 100 - 150 متر ونزلت لقيت حوالي 8 عربيات راكنين وبيبوصولي وقلولي اهلا بيك معانا (جميع فئات السيارات) بي أم , لادا , لانسر .......
ألي مقص اتعوج وألي العجل حجر , وألي عجل كله علي الأرض
المهم قعدت اكشف معاهم على العربيات وكانت مصيبتى اقل منهم الحمد لله
اليوم صباحا رحت لحمت جنطين وأستعدلت أتنين ب 390 جنيه
كلمت هيئه الطرق والكباري علشان ابلغ (قاللولى " تانـــى معلش يا فندم احنا أسفين وتم التعامل مع الطريق تم اصلاحه ")
الحمد لله الجنوط باظت
نصيحه لما تجد مطب امامك وانت مش ممكن تفاديه دوس فرامل جامد (وأنشف علي الدركسيون ) وأول ما تدخل المطب سيب الفرامل علشان مع الفرامل العربيه بتميل جامد الي الأمام بالأضافه الي وزن الموتور
لو اكلت المطب مع الفرامل نسبه الضرر فى العفشه وبالأخص لمساعدين والمقص والصره بتكون عاليه طبعا ده غير ضرر الكاوتش
ربنا يسلمكم من اي ضرر يا رب
__________________
Ahmed Felefel
|