[حبيب الناس]

المشاركة الأصلية كتبت بواسطة bistoo الف مبروك يا معلم على التكييف والعربيه دى 800 cc اه بس جباره ممكن تحسسك انها 1000 وشويه

مش بالظبط كده نفس الكلام قالهولي مهندس التركيب في الشركة كان ليا زميلي معاه 128 1100 سي سي ولما شاف التكييف عندي قاله انا هجيبلك عربيتي اركبلها تكييف عندك قاله مش هينفع علي 1100 لو 1300 ماشي قولتله انت بتقول ايه انا عربيتي 800 سي سي يعني اقل من عربيته قالي شوف ون عربيتك كام ووزن عربيته كام قلي مور العربيتين وزقهم فعلا ال128 كانت عاوزه جهد كبير في زقها لكن الماروتي مجرد ما زقتها جريت الي العزم كله بيروح في حركة العربيه وفيه عاومل تانيه كتير غير الوزن.

المشاركة الأصلية كتبت بواسطة hisham853 اولا الف مبروك عليك و ربنا يبارك لك فيها بس كنت عاوز اسال حضرتك اخبار التبريد ايه يعني شغال كويس و تبريده تمام ولا ايه

النهارده كانت اول تجربه للعربيه بج كنت رايح اجدد الرخصه وسمعت امبارح ان درجه الحرارة 42 ولفيت بالعربيه النهارده لما طلع عيني روحت مرور العتبه لاني اجنبي مرور الاجانب في العتبه قالي لا روح روح مرور الدقي وخلصت في الدقي ورجعت العتبه وطلعمن العتبه روحت احمد سعيد اركب فاميه حراري وكنت مشغل التكييف لراجل كان قيللي انت ممكن تبرد وتلبس جاكت ههههههههههه لكن التكييف كان عادي يدوب محسسني بشويه سقعه جربت اطفي التكييف وافتح الشباك لقتي نفسي كنت في نعمه والشباك مقفول بجد عامل شغل في العربيه بس اكيد مش زي البي ام والمرسيدس علق قد ماتورها بس مقبول ومعقول جدا بياليل بسقع منها

المشاركة الأصلية كتبت بواسطة atgps أولا الف مبروك على التكييف. أى كومبريسور تكييف روتارى يصلح للتركيب على المواتير الصغيرة لأنه مش بيحمل جامد على الموتور.

الله يبارك فيك يا باشا وتشكر علي المعلوه الجميله ده يا ريتني كنت سئلت قبل ما اركب لكن اللي اقنعني ان التكييف كان ماركة ساندن وياباني مصنع بالكامل في اليابان وكل الكلام اللي عليه حفر في جسم الكباس مش استيكر ملزوق

المشاركة الأصلية كتبت بواسطة dr_maged الف مبروك انا ناوى لو جبت لادا هركبلها تكييف

الله يابرك فيك يا باشا ومبروك مقدما علي العربيه وربنا يوفققك في شراها وانا تحت أمرك لما تحب تركب تكييف