[AbOnOrA]

اكيد فى حالات ممكن يكون الميكانيكى الشاطر افضل من مركز خدمة معتمد يعنى مثلا انا عايز اغير طقم فلاتر ولا تيل ولا اى حاجة بسيطه ممكن يكون اسهل بكتير اروح لميكانيكى كويس قريب من البيت واخلص العربيه فى ساعة وامشى

لكن لو العربيه فيها مشكله محتاجة كشف بالكمبيوتر او خبرة مختصين فى نفس الموديل وشغالين فيه لسنين يوميا او محتاج اخد فاتورة بالاصلاح تضمنلى ان لو متمش صح ارجعلهم تانى او قطع غيار اصلية او مقايسه اصلاح تعتمد من شركة تامين او او والامثلة كتير يبقى الافضل انى اروح التوكيل او مركز خدمة معتمد وغالباً مراكز الخدمة المعتمدة بتكون افضل من التوكيل فى الاسعار ومستوى الخدمة

علشان كده بنحاول نقدم عروض من مراكز الخدمة المتميزة والمعتمدة رسمياً لاغلب العربيات لضمان مستوى خدمة وخبرة متخصصه مع سعر مناسب وخدمة عملاء متطورة سواء بالوسائل التقليدية او من خلال الموقع هنا كمان