[ahmed1981]

المشاركة الأصلية كتبت بواسطة ahmed_eng2001 الا انى مختلف فى نقطة واحدة ... ترشيد الاستهلاك ... ( رايى الشخصى ) الناس بصفة عامة تتجه فى ثقافتها ناحية الرفاهية ... بمعنى .... فى يومين الحر الى فاتوا ..... حضرتك حتنزل تشترى تكييف و لا مروحة ؟؟!!

الترشيد مش عكس الرفاهية خالص
من حق كل واحد يشتري كل ما تصل إليه يده من الرفاهية
فهذه نعم الله علينا

لكن الترشيد إني لا أسرف
لما واحد يشغل المكيف في الغرفة في عدم وجودة لفترة طويلة
ده إسراف
ملوش دعوة بالرفاهية

لما واحد يسيب كل غرف الشقة مضاءه رغم إنه بيشغل غرفة واحدة
ده إسراف

ده قصدي

المشاركة الأصلية كتبت بواسطة ahmed_eng2001 اللمبات الموفرة ... انا ليه اشترى لمبة ب15 جنيه فى حين انا ممكن اشترى لمبة اضائتها الضعف تقريبا و ب 5 جنيه فقط ( اللمبة العادية ) و اعتقد انها مش حتفرق كتير فى الاستهلاك

كلام مقبول
وعشان كده الدولة المفروض تتدخل بالدعم والتشجيع

الدولة من أكثر من خمس سنين وهي بتنزل دعم كبير جداً على اللمبات الموفرة من أنواع مضمونة
والعرض كان في فروع شركات الكهرباء في الأحياء
وأنا إشتريت من العرض بخصم 50 % سنة 2010
معرفش شغالين ولا بطلوا العرض

المصيبة الكبيرة في الموضوع ده
إن اللمبات الموفرة لو مغشوشة ومش أصلية ممكن تعمل نتيجة عكسية ومتوفرش حاجة

المشاركة الأصلية كتبت بواسطة ahmed_eng2001 ليه اشترى غسالة عادية و الزوجة تشطف و تعصر على ايديها زى ما كانت الام بتعمل زمان ... الحل الطبيعى ... غسالة فول اوتوماتيك و غيرها كثير جدا من الامثلة على ثقافة الرفاهية الى اصبحت جزء اساسى من الثقافة الشخصية

لا طبعاً
ده مش مطلوب نهائياً

لكن الجديد هو لزقة الطاقة على كل جهاز جديد
وبتوضح معدل إستهلاك الكهربا مقابل الأداء
وتقدر تختار الجهاز اللي بيكون إهداره للكهربا أقل
أو تكون من ضمن مزايا أي جهاز على الأقل

ـ