[Hisham.Elgazzar]

المشاركة الأصلية كتبت بواسطة mr_astra معلش قلبى عند يا استاذ هشام بس افتكر مكالمة التليفون اللى كانت بنا قبل ما تشترى وقلتلك ان زميلى اللى جابوها بيشتكو منها ورشحتلك عربية تانية

فعلا يا باشمهندس كلام حضرتك صحيح مليون فى المية لكن الإنفى إسبرانزا مكانتش موجودة عند سمير ريان ومشكلة الصاج والبرومة دى كمان شوفتها فى بى واى دى وغالبا هتلاقى كل الصينى الجديد على كدا
بس الحمدلله اللهم لا إعتراض .... الله المستعان على الأقساط

المشاركة الأصلية كتبت بواسطة ahmedkolaly والله يا جماعة اقسم بالله انا عارضها للبيع وما فى حد عايز يشتريها المشكلة انى انا اللى عملت فى نفسى كده كان معايا عربية مسمينها عندى فى المنطقة الوحش وكله لامنى انى فرطت فيها كانت كيا سيفيا موديل 2000 اقسم بالله انى كنت بفولها وانساها والمفاجئة الكبرى ان الصفيحة كانت بتعمل معايا فى الزحمه وجوا البلد 210 كم وفى السفر 240كم اقسم بالله مرة كنت مسافر مرسى مطروح من عندى فى وسط البلد لغاية بنزينة المستر خدت 8 لتر وهوا ده اللى حارق دمى لما زيرو وتستهلك كمية كبيرة فى البنزين كده يبقى معناه حاجه واحده انى السيارة غير اقتصادية بالمرة وقصة انها بتستهلك 6 لتر كل 100 كم على متوسط سرعة 90 كم ماهى الا غش اللى البهوات ذكرنها فى البرشور. التوكيل بيبلطج على العملا ومنتهى قلة الزوق والسؤال هنا هل رؤوف غبور يعلم بما يحدث فى التوكيل انا والله بعمل محاولات لمقابته شخصياً لتوضيح الامور على الحقيقة بس اهى محاولات . - بس خطرت لى فكرة وهى مخاطبة المصنع والشركة فى الصين للوقوف على حقيقة الامر بس كل ده يتوقف على ان كل من يعانى من مشكله يرسل شكوى على موقع الشركة الرئيسى فى الصين وان شاء الله يبقى فى حل اه قبل منسى سير الدينمو بيصفر عندى الصبح وما كنتش هذه الامور اعانى منها فى السيارات اللى ركبتها من قبل وسمها موديلات عدى عليها كذا سنه الحل هو التكاتف لايجاد حل المشكلة وان موقع الخاص بالسيارة بيحذف كل من يعرض مشكلة فى السيارة ومش عارف ان ممكن ان المشكلة دى توجهه هو شخصياً وميلاقيش حل وكل هذالماذا لااعرف يا جماعة انا بتهاجم من ادمن الموقع بتاع السيارة فى معظم المواقع وكانوا عارضين تقييم مبدائى ليا فى الموقع قبل ما اكتشف عيوبها لان السيارة خداعة بطريقة كبيرة وانا اتسرعت فى تقييمها فى بداية ما اشترتها لان العيوب بتظهر مع الوقت والاستعمال والسؤال بيطرح نفسه هل خدعنا وشربنا المقلب وسكة بيع واجرى وخلى العميل يخبط دماغوا فى الحيط ام ماذا واسف للاطالة وتحياتى لكل من تفاعل معى والردود المحترمة التى تدل على ان من قاموا بكتابتها محترمين للغاية ولا يهمهم سوى المصلحة العامة بالحق السيارة عاملة 6000كم فقط

يا أستاز أحمد انتظر أكيد هتلاقى لها زبون وماتستعجلش ولو مضطر انك تمشى بيها حاول تصبر وإن شاء الله هتتباع بيعة كويسة
انا كنت مشترك فى الجروب بتاع الفيسبوك ولقيتهم بيتمنظروا بالعدادات وماعجبنيش شوية حجات فى السياسات بتاعتهم وسيبتهالهم مخضرة
والمنتدى هنا بتاعك صور كل العيوب اللى عندك وانشرها واعمل يافطة صغيرة علقها ع العربية عشان تحزر الناس

مع الأسف كل الجروب اللى ع الفيس او معظمه تحس انهم اول مرة يركبوا عربيات

متزعلش منى لو كنت هاجمتك فى البوست اللى قبل كدا لكن لو سمحت حط كل صور العيوب اللى عندك ف العربية عشان نفضحهم