رد: طقم الشنبر؟ ما الادوات والعدد والحاجيات وقطع الغيار المطلوبة؟
بصراحة انا منبهر ومبهور بالشرح ده
شكرا لحضرتك
طيب فيه سؤال
لو انا نزلت جبت بساتم جديدة وبيلات وسبايك وصبابات ودلايات وكل مجموعة الموتور الداخلية
كله جديد فى جديد
يبقى هروح للخراط علشان يضبط كل ده على البلوك والشمايز
المقاييس
بطلب المقاييس ازاى ولا بديله واقوله طبع ده على ده
وعند شراء الاجزاءالجديدة ايه مقايس الاستاندر للبساتم وكل مجموعة الموتور الداخلية
والا ازاى هعرف ان ده بتاع عربيتى
يعنى اقوله بساتم مقاس كام - بيلات مقاس كام
ولا اقوله 128 واسكت
والخراط لما هيشتغل هيكون على واقع الموتور ولا هيقولى عايز ارقام اشتغل عليها
ولو فيه بلوك جديد بالشمايز جديدة والبساتم جديدة وكله جديد استاندر مش يلغى عمل الخراط
ويبقى شغل التجميع والتربيط بس زى بالضبط لما بنزل اشترى بورد كمبيوتر وكيسات ورامات وهاردات وبعدين اركب وادى الزبون
ومن باب الانحراف من طقم شنبر الى عمرة كاملة لو الواحد غير رأيه
الشيخ طارق ربنا يبارك فى صحته - وانا بصراحة بثق فيه جدا- قريت له موضوع جميل جدا قال فيه ان ممكن اركب شورت بلوك Short block يعنى الجزء الاسفل من الموتور جاهز عالطول - على اساس انى لقيت حته استيراد كويسة بحالة كويسة
وبكده اكون وفرت وقت وجهد ويبقى فاضلى الجزء العلوى اشتريه كله جديد
ايه رأيك لانى شايفك ادرى الناس بالنقطة دى لما تفضلت بشرحة ويكشف عن خلفية كبيرة عندك
وشكرا لحضرتك ومعذرة عن الاطالة
__________________
بسم الله الرحمن الرحيم {يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }التوبة32 صدق الله العظيم
التعديل الأخير تم بواسطة الهولندى الطائر ; 23-09-2012 الساعة 10:05 PM
|