كلام جميل ... كلام معقول
مقدرش اقول حاجه عنه ..
بس مش عارف ايه علاقته باللي قبله او بمشاركتي !!
انا كان ردي بسيط وواضح على مشاركه حضرتك اللي قلت فيها التالي :-
المشاركة الأصلية كتبت بواسطة mmffor
مشاكل البروتون ابتدت لما بدأت تطور سياراتها الخاصة بعد ما كانت ببساطة بتقفل سيارات ميتسوبيشي و عليها شعار بروتون ( زي ما ال الفيات نزلت مصر تحت شعار نصر )
ده طبيعي من سيارات حديثة الولادة تبذل قصارى جهدها للاعتماد على نفسها
|
فمعنى ردي باختصار ...
ان امتلاك بروتون للوتس فتح لها باب امتلاك خبره و تقنيه تقدر تستخدمه في عربياتها
وبالتالي اتنقلت من مرحله التجميع و الاستعانه بخطوط تصنيع موديلات قديمه سابقه لميتسوبيشي الي مرحله التصميم و التصنيع
وخبره وتقنيه لوتس هي اللي ساعدتها في تصميم موتور الكامبرو
وهي اللي ساعدتها في عمل تصميم عربياتها الجديده
علشان كده جبت صور لعربيات لوتس
وحنلاقي ان خطوط عربيات بروتون زي الجين تو او البرسونا او الساتريا نيو واضح فيها استغلال بروتون للوتس في تصميم عربياتها
بعد ما كانت عربيه زي الويرا مجرد نسخه من الميتسوبيشي
وفي فرق كبير بين بروتون و النصر للاسف شركه النصر اللي كانت بتجمع فيات و بعدين الشاهين التركي لما فيات قفلت معاها
فلست وبقت مديونه و معرفوش حتى يبيعوها لبروتون تجمع فيها عربياتها !!!
وبرغم كده التعاون مع ميتسوبيشي مازال قائم ... لدرجه انهم حيصنعوا الانسر شارك بكل تفاصيلها مع تغيير البادج و بعض الاضافات والتجهيزات
فطالما اتكلمنا على بروتون وجيبنا سيره ميتسوبيشي ... لازم برضو نجيب سيره لوتس .. مش كده برضو ولا ايه !!
ايه اللي جاب سيره تويوتا بقى في الموضوع !!!
وانا برضو بتمنى ان بروتون تتطور و تبقى احسن من الياباني و الالماني ..