[Dr.Smile]

المشاركة الأصلية كتبت بواسطة احمد سويلم على فكره كدا يدل ان الاجراءات بتختلف من محافظه لمحافظه لان مثلا انا عمر ماحد سألنى على صوره شخصيه المرور مش عاوز يشوف صور المصريين ثانيا مفيش حاجه ف مرور اسماعيليه اسمها انك تجيب براءه ذمه من المرور او ختى من الكشك اللى جمب المرور كل دا بيكون ف النيابه فى مكان تانى خالص والورق وكل حاجه بتكون عندهوم هما التأمين عندنا فى اسماعيليه 98 جنيه فقط انا رخصت عربيتى اكتر من 3 او 4 مرات

شكراً على الرد واهتمامك ..

1- المطلوب صورة ( البطاقة الشخصية ) مش ( صور شخصية ) .. زي ماقلت ,, المرور مش عاوز يشوفنا ولا يشوف صورنا ^_^

2- فعلاً فيه بعض فروع المرور مفيهاش مكتب للنيابة ,, وبتروح مرور تاني علشان تجيب براءة الذمة .. بس مرور طوسون ( لحسن حظي ) فيه نيابة ..

بس لو أنا طلع عليا مخالفات - لا قدر الله - وحبيت أعمل معارضة لازم أروح مرور أبيس ( تقدر تقول عليه المرور الرئيسي في اسكندرية ) .. حتى مكتب النيابة اللي عندنا بيجيب المخالفات من مرور أبيس مش من عنده

وعلشان كده بيقولك استنى ساعة ^_^

3- التأمين بيختلف من عربية للتانية حسب السعة اللترية .. اللي أعرفه إن العربيات الـ1600 CC التأمين بتاعها بـ108 جنيه .. لو عندك أرخص أنا جايلك أجدد عندك المرة الجاية

وشكراً مرة تانية على الرد ..