رد: سيريون ون اقوى 1000سي سي في مصر
الموتور ده موجود من زمان فى عربيات كتير, منها الماروتى و الشاريد و غيرهم, و هو مستخدم أكثر فى الدراجات النارية قوية الأداء, و بدايته كانت على يد شركة ايطالية لانتاج الدراجات النارية اسمها لافيردا.
القصة هنا انو المحرك 3 اسطوانات, و ديه على عكس ما يعتقد الكثيرون بتدى قوة أكبر للمحرك, بمعنى انو محرك 1000 سى سى ثلاثة اسطوانات لازم يبقى اقوى من محرك 1000 سى سى 4 اسطوانات.
حتى ان الفاروميو ليها محرك شهير كان 1800 سى سى و 3 اسطوانات, و ده كان اكبر محرك 3 اسطوانات ينتج فى تاريخ السيارات.
يعنى مميزاته :
- قوة اكبر لنفس الحجم.
- خفة الوزن.
لكن فى المقابل عيوب ال3 سيلندر كثيرة جدا و منها :
- استهلاك أعلى للوقود و كفاءة أقل.
- توازن أقل, و سرعته القصوى أقل من ال4 سيلندر.
- أكثر تلويثا للبيئة.
- عمر أقصر.
و رغم ان هذا النوع من المحركات مستخدم فى العديد من السيارات, و منها الشيرى كيو كيو, الا ان ميزته الوحيدة (قوته النسبية) لا تعوض عيوبه ابدا, بمعنى اخر ايه اللى يخلينى اعمل موتور 1000 سى سى قوى بيستهلك كأنه موتور 1400 سى سى و بيدى قوة موتور 1300 سى سى, طب مانا اعمل موتور 1400 سى سى و خلاص يبقى خدت قوة أكبر و عمر أطول و نفس استهلاك البنزين, و اللى خسرته على صعيد الوزن ممكن اعوضه عبر تخفيف مختلف مكونات السيارة!
|