[atgps]

المشاركة الأصلية كتبت بواسطة togo شكرا لحضرتك و ربنا يخليك متشكر علي ردك ان عارف ان المدينه بقالها عشر سنين لكن ابتدا الشغل من 3 سنين لو تلاحظ الاعلاانات منزلتش الشوارع الا من سنه تقريبا و الصفحه بتاعتهم علي الفيس و الموقع من سنتين بس الشركات معطمها زي املاك و بريدج و المصريه هيسلموا في 2015 يعني ناس كتير هتسكن و بالتالي الخدمات هتبقي مهمه و لازم يوفروها اما الشروق فمش عارف ليه حاسس انها هتبقي شعبيه وبعدين المتر في هليوبلس اغلي جامد من الشروق و ده محسسني انها هتبقي احسن اما بالنسبه لموضوع الرحاب و مدينتي فالتطور السريع ده بسبب انهم شركات خاصه خلينا نتكلم عن اكتوبر و مدينه نصر و التجمع نفسه اللي هو من احسن الحتت في مصر دلوقتي الحتت دي خدت وقت عشان تبقي حاجه ولا حضرتك رايك ايه

بالنسبة لمدينة نصر لها ظروفها الخاصة ولا يمكن مقارنتها بالمدن الجديدة فهى كانت امتداد للقاهرة وليس مدينة منفصلة مثل المدن الجديدة وعلى فكرة مدينة نصر بدأ العمل بها سنة 1964 تقريبا وكانت مهجورة نسبيا حتى حرب 1967 عندما تم تسكين مهاجرى مدن قناة السويس بها بعد حرب 1967 وده كان سبب انتعاش مدينة نصر.
أما 6 أكتوبر فمن رأيى أن وجود المصانع الكثيرة فى المدينة هو السبب فى انتعاش المدينة
أما مناطق التجمع الأول والثالث والخامس فبدأ العمل بهم منذ حوالى 20 سنة ومازالت بعض المناطق تعانى من عدم توافر الخدمات.
حضرتك ذكرت أن بمجرد وجود السكان سيتم توفير الخدمات!! هل حضرتك متأكد من تلك النقطة؟ هلى اذا اردت دواء ليلا ستجده فى متناول يدك؟ هل اذا تعطلت سيارتك لاقدر الله ستجد وسيلة المواصلات التى تمكنك من الذهاب والعودة الى منزلك حتى اتمام اصلاح سيارتك؟ ارجو ان تأخد تلك النقاط فى اعتبارك.
ولكن رؤيتى لها كمدينة، فهى ممتازة لو كانت الخدمات متوفرة.
بالتوفيق ان شاء الله.