حصلت معايا بنفس الطريقة في جولف 2 وكنت بغير زيت في محطة بنزين علي البحر متعود عليها فعندي ثقة ان الباشا الصنايعي مش حيعمل حاجة مش مظبوطة وانا باشا شوية في التعامل وساعات كتير منت باقعد رجل علي رجل وبعد ما البية الصنايعي يغير كل حاجة انا اخش احاسب علي اللي يقولي علية وخلاص وطلع الباشا مغيري الفلتر بفلتر مصري وبعد ما غيرت الفيتيس بيومين الزيت كلة نزل في الارض وانا ماشي في طريق الكورنيش وكانت حتحصل كارثة لولا ساتر ربنا وطبعا بعد ما رحت زعقت وشتمت وبعد الاسف وتغير الزيت والفلتر تاني حتعمل ايه غير انك تاخد بعضك وتمشي مع الحلفان انك مش حتعتب محطة البنزين دي تاني ولو عشان تحط فيها بنزين حتي وربنا بيسترها
