المشاركة الأصلية كتبت بواسطة astars
السلام عليكم ورحمة الله و بركاته
انا النهاردة نزلت المصريه للسيارات عشان اشوف اللوجان الاوتوماتيك قالى والله بطلت تنزل فيها مشاكل في استهلاك البنزين والفتيس ومش بنجيبها هنا المهم قولت اكيد بيشتغلنى عشان مش عندو خرجت من عندو وكلمت سمير اوتو الريان اللى في الاتوستراد قالى والله بردو مش بنجيبها عشان مش عليها طلب قولت ايه القصة دى كلمت التوكيل لاقيتها موجودة عادى و بنفس السعر القديم 78900 ممكن الخبراء يفيدونى انا كدة قلقت ومش عارف اية يا ريت اللى يعرف يفيدنى ما يبخلش عليا بالمعلومة انا كنت بحلم اجيبها لانها مناسبة للميزانية والاوبشن بتاعها هايل مستنى ردود الخبراء هنا
|
والله العربية معايل زي الفل والحمد لله.
عن تجربة المصرية بيطفش الزبون من أي عربية هو مش عارف يوفرها وبيحاول يبيعلو الموجود عنده، وده حال معظم المعارض. داخل أقول للبياع عايز أتفرج على لوجان أوتوماتيك يقوللى بلاش اللوجان مش منتشرة وملهاش قطع غيار، متتفرج على أفيو أحسن!!! كنت عايز أقوله تييييييييييييييييت
حضرتك سألت في التوكيل وقالك إنها حاضرة والإستلام فوري؟؟؟ ولا قالك السعر فقط؟ أصل إللي أعرفة إن عليها حجز 6 شهور قدام ومعارض معينه هي إللى بتوفرها في مده أقل.