[AbOnOrA]

المشاركة الأصلية كتبت بواسطة mado_333 يا جماعه ممكن حد يرد عليا

الزملاء ردو عليك فعلاً يا استاذ مادو وخلينى اوضح لحضرتك تانى
اولاً كون ان الار بى ام عداد لفات الموتور تعلى وتوطى مع استهلاك الكهرباء ومع تحميل الكمبرسور على الموتور ده طبيعى علشان فى حالة السلانية او الايديال او وانت مدور ومش مدى غيار المصنع بيبقى ظابط المتور يشتغل على اقل حمل وباقل سرعة ممكنة تخلية داير بانتظام ومن غير استهلاك بنزين كبير قد الامكان وفى غالب الاحوال ده بيبقى ما بين عدد لفات 600 - 900
لو حصل تحميل على الموتور لازم يا يعلى او يزود من عدد لفاتة علشان يطلع عزم اكبر او ينهار ويبطل
الكلام ده بيبان اكتر فى العربيات القديمة او موديلات تسعينات والفين بحالات متوسطة او اقل وبتبقى اقل فى العربيات الجديدة مع تطور انظمة ادارة المحرك

طيب من كدة نفهم اولاً حاجتين او سكتين

سكة الميكانيكى
لو عندك الرعشة ديه اول ما بتدور الصبح (والعربية باردة) وتقل مع السخونة بالاضافة لظهورها مع تحميل الكهرباء او التكييف فغالباً عندك مشكلة فى القواعد وديه زى ما قال استاتذتنا يتبص عليها عند الميكانيكى فى دقائق

لو كل ما سبق وكمان بتبطل على السلانسية او مع المطبات مثلا كدة هنجرب اعادة ظبط الايديال ونشوف

سكة الكهربائى
لو فى الدوارة الصبح عادى ومفيش رعشة وزيادة ولا حاجة وانت راكن فى اشارة مفيش رعشة زيادة وبتظهر بس مع تحميل الكهرباء والتكييف فكدة عندنا احتمالات الكهرباء

ظبط الايديال والمراجعة على الحساسات
- الكنترول - الموبينة - بوجيهات لو بتوصل ان العربيه تبطل او تتلت
- وصلات البطارية والارضى - اسلاك البوجيهات وديه تبانلك كمان مع تشغيل الكاسيت حتى وتقليب النور وكل حاجة كهرباء فى العربية

بس عامة اى مشكلة فى الحاجات ديه تعمل برجلة للموتور تبانلك فى شكل رعشة على عدد اللفات الصغير فالموضوع عايز منك شوية صبر ومراجعة على العربيه فى السكتين دول كانها صيانة دورية للميكانيكا والكهرباء
وان شاء الله خير وحاجة بسيطة وابقى طمنا عملت ايه