المشاركة الأصلية كتبت بواسطة اشرفasser
((((( متنافسنيش فى السيارات الفارهة ابدا لانى عارف تاريخ اللى صنعوها نفسهم ........))))
 |
بغض النظر عن صحة المعلومات اللى عند حضرتك من عدمها
إلا إن الكلمة دى سامحنى ليست فى محلها على الاطلاق سواء موجهة ليا أو لغيرى
يا سيدى فوق كل ذى علم عليم
أولا...
احنا مش مسابقة معلومات و لا بنكتب الكلام و بنتعب نفسنا لانتصارات شخصية او عناد بدون فائدة
احنا بنقر واقع و حقائق و لو فيه رأى شخصى لينا بنقوله بمنتهى الحيادية و بدون تجريح
و ده كله فى الآخر لمصلحة أعضاء المنتدى يعنى للمصلحة العامة للناس
ثانيا ...
سامحنى حضرتك معلوماتك فى السيارات و خصوصا الفارهة منها (اللى انت عارف تاريخ اللى صنعوها) تحتاج الى الكثييييييييييير من التصحيح
و من أمثلتها حكاية ان رولز رويس المانية و انها لا تقارن مع مايباخ (قرينتها الوحيدة فى العالم) و الشروكى ال 8 سلندر تطلع من الكايين عشان اخف منها
و بعض الموضوعات اللى متابعك فيها و التى تحتوى على بعض المعلومات الغير دقيقة و الصور المغلوطة
و طبعا معظم مواضيع حضرتك منقولة من منتديات اخرى لأنى عضو فى معظم منتديات السيارات العربية
و الكثير من المنتديات الاجنبية
بص يا باشا انا لا انتقص من قدرك شئ فنقل المواضيع ليس عيبا ما دمت تذكر انها منقولة و عدم دقة المعلومات او نقص الخبرة ليس عيبا ايضا لو كان بدون جدال ..و انا أعتبرك اخ صغير لى لأنى اكبر منك ب 11 سنة
و كل من فى المنتدى هم اخوة لى أيضا ...
لا مانع من الاختلاف فى الاراء الشخصية طبعا كلنا بنى ادمين و دى اذواق
اما المعلومات الثابتة و المعروفة فلا يمكن اطالة الجدال بها لأنه لا يفيد أحد
و معلهش يعنى المنتدى مليان فطاحل زى ما قلت لك و انا مش منهم
و مع ذلك مفيش حد منهم قال كلمتك دى انه بيعرف اكتر من الناس
اتمنى انك ماتزعلش منى و تعتبره كلام من اخوك الكبير
و شكرا