رد: شنيور
اهلا و سهلا بحضرتك مرة اخرى ....
فى الاول .... شنيور الثقب العادى مش حينفع تفك بيه مسامير عجل العربية ... صواميل العربية عاوزة مفتاح شبه الشنيور .... بس بيعمل حاجة اسمها صدم impact للمسمار لو مرضيش يفك
ممكن حضرتك تستخدم شنيور عادى خالص .... بس متزودش سرعته و انت بتفك او بتربط اى مسامير اخرى فى العربية ..... علشان ميفوتش من راس المسمار .. و دى محتاجة حرص و خبرة شوية فى التعامل
الحل الظريف هو ان حضرتك تستخدم شنيور محمول ... ببطارية تتشحن و تحركه فى اى مكان ... مفيد و عملى جدا ... بس سرعة دورانه مش كبيرة .... و ضعيف شوية فى عمل اخرام فى الحيطة مثلا .. او فى الحديد
اه .. بمناسبة الحيطة .... علشان تخرم فى خرسانة ... عمود مسلح مثلا .. او فى السقف .. محتاج حاجة اسمها شنيور دقاق
الانواع الصينى مش بتاعة شقى ... بس كويسة للاستخدام الشخصى الخفيف ... لو حضرتك عاوز حاجة تعيش معاك ... هات البوش الروسى
اقل شوية ... البوش الصينى .... اقل شوية .. بعض الماركات الصينى الجيدة .. زى APT crown .. اقل شوية .. اى ماركة صينى اخرى
__________________
|