رد: مطلوب طقم شنبر؟؟!!!!!
تعقيبا على كلام الميكانيكى الاول
لو فلتر الزيت مسدود او مخنوق ملوش دعوة بطقم الشنبر لان الشنابر بتتزيت بـ الطرطشة مش من طلمبة الزيت
طلمبة الزيت بتضغط زيت لكراسى الكرنك ولعامود الكامات العلوى
فلو افترضنا ان فلتر الزيت كان مسدود او مخنوق يبقى كدة اللى اتاثر عندك عامود الكامات واكيد الاضعف منة جلد الصبابات و كراسي الكرنك
طيب احنا هنا متاكدين ان جلد الصباب محتاج تغيير واكيد توضيب لوش السلندر بالكامل ولازم نشوف سبيكة الكرنك ودى ممكن تتشاف بدون فك اى جزء من الموتور والطريقة كالاتى
ندور المكنة مع تزويد بنزين سنة بسيطة ونخلع سلك البوجية رقم واحد و اتنين و تلاتة واربعة بالتتابع ولو لقدر الله فى سبيكة عندك محتاجة تغيير ( بترزع) هتبان اوى من الصوت وقت خلع سلكة البوجية الخاص بيها هاتسمع صوت نقرة وركز اوى على البوجية رقم اربعة لان دة اكتر بوجية ممكن يتاثر نتيجة ضعف طلمبة الزيت
وفى الحالة دى يبقى عندنا ترزيع فى الكرنك وتلف وش السلندر واكيد طقم شنبر وشمايز يبقى موتور استيراد فى الحالة دى افضل لان الوش عندك صعب ارجاعة لحالة المصنع
__________________
يااااااااااااا رب
إرحمنا بقدرتك علينا
|