[magdy_c_c]

المشاركة الأصلية كتبت بواسطة Mr.Mohamed2020 امبارح كنت نازل اتفرج على العربيات واشوف هل ال m11 نزلت والا لسا فقالولى انها مش هتنزل قبل 1/3/2013 فقولت اسئل عن أراء أصحاب المعارض فكلهم اجمعوا انها عربية جميلة شكليا وابوشنز فقط لكن فى الاول والآخر قالوا دى صينى ومش تستأهل تدفع فيها فلوس !! فرشحولى اللانوس أو الأفيو أنا جتلى عقدة من العربية m11 بسبب الناس دى حد عنده رأى ؟؟

هههههههههههههههه
يا باشا الناس دى ما عندهاش ريحة الضمير و من الآخر شافوك زبووووووووووون
بص يا ريس الفيرنا اعتمادية الى حد ما و قطع غيار عند البقالين بس ما تكلمنيش على ثبات فيها خااالص و بعد الـ 120 ما فيش فرامل أساسا ً و ضيقة و شكلها مش حلو أوى
الأفيو باردوا ضيقة من جوة قطع غيار أغلى نسبيا ً عفشة زبالة و اسأل كل اللى مجربها عاوز يخلص منها بسبب العفشة و بتاكل فلاميهات بالهبل !
و يمكن أصحاب المعارض اللى عندهم أفيو عاوزين يخلصوا منها دى آخرها تشيل 50 كجم فى الشنطة !
و الا هتعمل أبونيه مع العفشجى و هتبقوا أصحاب
اللانوس يا باشا كان زمان أيام الدايو صاج و عفشة و متانة و ثبات و فرامل و قطع غيار و كل حاجة
لكن دلوقتى 40 % من الشيفروليه لانوس صينى درجة عاشرة و ربنا يخلى عمو منصور
حراااااااااااااااااام
انك تقارن منتج محترم زى M11 بكل اللى فات ده
ثبات و عفشة و أوبشن و موتور قوى و توفير فى البنزين
هو مشكلتها من الآخر صاجها خفيف سنة و ضيقة من ورا شوية
لكن غير كده ما تصدقش
و حضرتك هى طبعا مش بجودة تقفيل اليابانى و لا الألمانى للأخوة اللى بيقولوا التقفيل طيب بص على تقفيل الشيفروليه اللانوس و لا الأفيو ( لا وجه للمقارنة )
هو حد لاقيها أساسا ؟
حسبى الله و نعم الوكيل فى أصحاب المعارض اللى عاوزين يبيعوا و خلاص
صحيح اولاد ...................