اللادا صعب تعديلها إلا لو هتعمل تعديل تغير فيه العربية كلها تقريباً
العربية فى تصميمها أقرب للعربيات النقل أكتر من العربيات العائلية , يعنى الدركسيون الثقيل (على أساس إن إللى بيسوقها عتال) و العفشة الناشفه و نظام الدفع الخلفى و المكنه الخشنة الرخمة أم صوت عالى و و و....
دى بتديك عزم أكتر من سحب و تسارع, لذلك العربية دى ناجحة جداً مع الناس إللى بتحمل عليها بضاعه
لو هتعدل...
هتغير المكنه بمكنه أقوى و صوتها أنعم و طبعاً هتغير حاجات كتير فى العفشة علشان تتحمل المكنه الجديدة
و أكيد هتغير الفتيس و الكرونه برضو علشان المكنه اتغيرت
طيب متجيب عربية غيرها (نوع غير اللادا) و تريح دماغك, هتبقى أريح من بهدلة و فتى الصنايعية و نتيجة مضمونه لأن ده مش تعديل, ده الأصل بتاعها بكل حساباته الهندسية و الإيروديناميكية و الكهربية و غيرها
فى اللادا التعديلات محدودة لرفع الأداء منها:
==================
1- اسبراتير الكترونى بدل العادى
2- مناول دركسيون على رولمان بلى بدال الفبرة
3- و دى مهمة جداً: غير بكالت الكربراتيرللأصلى بتاعها و صدقنى هتوفر بنزين و هيقل الإستهلاك و سيبك من فتى الصنايعية إللى مبيفهموش (الكلام ده عملت بيه موضوع هنا )
http://www.masrmotors.com/vb/showthread.php?t=123153
تعديلات تحتاج لصنايعى خبير
---------------------
3- الكربراتير يبقى أنجكشن بس بلاش أنجكشن اللادا المصرى, بيبوظ بسرعه (من كلام الناس إللى جربته)
4- تغيير علبة الدركسيون لسكاترا ميكروباص مازدا أو تيوتا كرسيدا 82/84 (برضو ناس عملتوا فى الأسكندرية)
5- تغيير الكارونة للكارونة السريعة (ده لو عربيتك مش 2107 لأن السريعة بتنزل فيها) و طبعاً لازم تغير معاها المكنه (1500-1600 س س لو هتفضل على مكن اللادا) و الفتيس يكون 5 غيار الـ 4 مينفعش هيتبهدل بسرعة
أعانك الله