حتى لو كانت بطاريتك جديده ....فقد تتعرض لفقد شحنتها مع الجراج وتجد نفسك حائرا فى أيجاد حل لتدوير سيارتك من أجل الأنطلاق بها إلى عملك أو لآداء مشوار هام ومستعجل
فمتى وأى الظروف التى تجعلك تتعرض لهذا الموقف البايخ ......؟
1- كنت مستعجل وسيبت نور العربيه شغال للصبح
2- نسيت وسيبت باب العربيه مفتوح ولمبة الصالون منوره
3- كنت بتصيف وتقلت الغياب حبتين ....وجاى تدور ملقتش العربيه بدور
4- مش واخد بالك من جودة أحكام تركيب القواطيش على صوابع البطاريه
وغيره من الأسباب
أذا تعرض البطاريه لفولت كهربى منخفض نتيجة فقد شحنتها أمر مشهور فى مجال
السيارات
فحالة البطاريه الفنيه أيضا كبناء داخلى ومنظومه فنيه بيتعرض بالفعل لعدم المقدره
على تخزين كميه من الكهربيه مع تقادم عمر البطاريه ( بتعجز البطاريه يعنى ولا
تكون بنفس مستوى نشاطها وهى فى مرحلة الشباب ) .
ويجب أن نعلم أن مارش السياره أو أى مارش كهربائى مصمم بالفعل للعمل على
أمبير عالى وجهد كهربى 12 فولت ( فى مجال السيارات )
وده بيشكل جهد وحمل عالى على البطاريه وقت محاولة الدواره
HIGH STARTING TORQUE
فحينما يتعرض المارش لجهد كهربى ضعيف على أطرافه ( أو لمرور تيار ضعيف
إليه ) فقد لا يستطيع المارش من أدارة محرك السياره
طيب أنت خلاص أهو مش عارف تدور .....تعمل أيه
تدور تلف على الكهربائيه وغيره علشان يجىء يدورلك ....ولال تحاول تتصرف
بنفسك ...............؟
أذا وجود جامبر ( أو طقم كابلات عندك بسيارتك ومجهزه فنيا بطريقه سليمه يمكن أن تحل
تعرضك لهذا الموقف البايخ
Battery Jumper Cables 1- بسهوله ....شاور لواحد ماشى بعربيته ....وخليه يجرش عربيته فى مواجهة
عربيتك بقدر الأمكان
2- خليه يبطل عربيته ...وكبوت كل عربيه مفتوح ....ووصل كابل الجامبر الأحمر
بطرف بطاريتك الموجب ....ووصل الطرف الآخر للجامبر ببطارية الراجل الطيب
إللى بيساعدك فى الدواره
3- وصل تانى الكونكتور ( أو الكماشه ) بتاعة أحد أطراف الجامبر السوداء لسالب
بطاريتك ....ثم وصل الكماشه السوداء التانيه لنفس الجامبر أو الكابل لسالب بطارية
الراجل الطيب
والأفضل توصل الكماشه دى لأى نقطة أرضى عندك بسيارتك وليكن براكت الدينامو
والسبب الفنى من وراء هذه الأفضليه هو تجنب حدوث شراره وقت توصيل
الكماشه السوداء للكابل السالب ببطارية الراجل الطيب
فتعرض البطاريه بتاعة الراجل الطيب للشراره من الوارد أن يؤدى إلى حدوث تلف
وأنفجار للبطاريه بتاعة الراجل الطيب
وعلى الرغم من أحتمال الأنفجار نادر أو قليل ....ولكنه وارد من الزاويه الفنيه
الكهربيه
- الخطوه التاليه ....هو البعد عن كلا الكبوتين ومع جعل جميع ملحقات السياره
الكهربيه للسياراتان فى حالة عدم عمل
( زى الأنوار والكاسيتات وخلافه )
- خللى بأه الراجل الطيب ....يشغل عربيته على السلانسيه لمدة خمس دقائق مثلا
وبعد كده يحاول يزود سرعة المكنه عنده إلى 1500 لفه / دقيقه لمدة عشر دقائق
تقريبا
- لاحظ أنك بهذه الطريقه بتحاول شحن بطاريتك النايمه ....من خلال دينامو شحن
الراجل الطيب
- حاول بأه تدور مكنتك ....دارت خلاص ....زود وأوصل للعدد لفات 1500 لفه / ق
لمدة عشر دقائق برضه
- أثناء ماتكون سيارتك دايره ....خللى بأه الراجل الطيب يبطل مكنته
- حل بأه طرف الجامبر الأسود أولا من منطقة الأرضى عندك ( جسم السياره ) أو
براكت تحميل الدينامو عندك أو أى مكان أنت موصله أرضى للكابل السالب
- أفصل بعد كده الكماشه الأخرى السالبه ( السوداء ) من على صباع بطاريتك السالب
- أفصل كماشة الجامبر الحمراء للكابل الآخر من عند الراجل الطيب أولا ثم من
عندك وشيل الكابلين عندك بسيارتك وأقفل كبوت سياراتك
- أثناء دوارة سيارتك تأكد من عدم أضاءة لمبة الشحن عندك بالتابلوه
للتأكد من أن دائرة الشحن تسير عندك على مايرام
توكل على الله وخد سيارتك فى مشوار كويس لأعادة تعويض بطاريتك مافقد منها من
شحنه كهربيه
وتابع الأخبار الجديده للأطمئنان على الدايره الكهربيه عندك بشكل عام
وده حيبان مع الأيام