المشاركة الأصلية كتبت بواسطة blade2011
حضرتك انا دافع اول سنة 2300 من قيمة العربية اللى هية 71 الف حضرتك احسبيها يعنى اية بقة تحمل اربعة فى الالف يعنى اية يعنى اخد اقل من نسبة 50 % من قيمة اللى انا دافعة لية دة اسمة نصب حضرتك معلش يعنى
|
لو الموضوع نصب دة يبقى من المصرية مش من مصر للتأمين
لو الوثيقة بدون تحمل يبقى المفروض حضرتك تدفع2640
و لو بتحمل يبقى سيادتك تدفع 2300
و لو ممكن حضرتك تبعت لى صورة الوثيقة اطلع عليها
التحمل دة بيقلل القسط مقابل ان العميل بيتحمل نسبة من التعويض تعادل 4 فى الالف من مبغ التأمين ( التحمل دة بيكون 284 دة بالنسبة لعربية حضرتك ) اى كان الحادث
و نحسبها مع بعض حضرتك بتقول دفعت 450 جنية و خدتهم 166 و انك ماصلحتش فى التوكيل
اولا : 450 - 284 هيدينا 166 يبقى الموضوع مفيهوش نصب من الشركة للاسف المصرية ممكن تكون عملتلك الوثيقة بتحمل بدون علمك
اتمنى انى اكون وضحت الصورة و معتقدش ان فى غلط من مصر للتأمين و لا نصب زى ما حضرتك قلت
و غلطة حضرتك انك ما اطلعتش على الوثيقة و قريت بنودها كويس
يا ريت يا جماعة باقى مستشارين التأمين من الشركات الاخرى يردوا و يقولو كلامى صح و لا غلط
و الاثبات لكلامى صورة الوثيقة لو ممكن تبعتها