المشاركة الأصلية كتبت بواسطة Ihab Salah
اشكر حضرتك جداً على الرد وفعلا مع حضرتك حق ان الرخام بنى غامق مع عروق بيج وانا مش عارفة القرصة فيها تخانات ولا لأ بس هو هيعمل حاجة عاملة زى درجة السلم بطول الرخامة من الجهتين (اعذرنى فأنا اول مرة اتعامل مع الرخام) و القرصة عرضها الأساسي ٥٠ سم .... وان شاء الله أراعى كلام حضرتك فى موضوع اللحام ... .بس لو مافيهاش إزعاج لحضرتك ممكن تنصحني ازاى انظف الرخامة وأخليها بتلمع لأنى حاسة أنها مطفية شوية ... مع الشكر وكل سنة وحضرتك طيب رمضان كريم
|
للاسف مافيش حاجة اقدر انصح حضرتك بيها لتلميع الرخامة لان دى عملية صعبة ولابد من ان يقوم بيها عامل متخصص فى الجلاء
والسؤال . لية الرخامة مابتلمعش كويس مع انها لسة راكبة ؟؟
اما بخصوص تنظيف الرخام تجنبى تنظيف الرخام بالمنظفات الصناعية مثل فيرى وبيريل حيث ان تلك المواد تطفى اللمعة
التنظيف بيكون بقطعة قماش مبلولة و معصورة كويس و لو فى بقع ممكن اضافة القليل من شامبو اطفال
وكل عام وحضرتك و الاسرة الكريمة بالف خير