المشاركة الأصلية كتبت بواسطة Prince2003
السلام عليكم
كنت اود احكى قصة زيارتى لمعرض اللوجان و بعض الاستفسارات ال بدور فى دماغى
لما رحت المعرض كان فى اثنين بيتفرجوا على العربية و كانوا بيناقشوا المندوب فى حاجة و هى ان العربية مفيش اهتمام للمصنع المغربى بحاجات بسيطة جدا و متشافه بالعين فما بالك بالمش متشاف على سبيل المثال اللحامات فى الصاج من داخل الكبوت وكان بيقول للمندوب ان ديه تحسها مرشوشه دواخل مش شغل مصنع ( فعلا شكلها غريب جدا ) كمان القوايم فى سقف العربية برضو ظاهره جدا و كمان علقوا على ازاى العربية مفهاش عزل لا من جوه ولا من بره!!!!!!
سابو موضوع الفنيشينج و راحوا يتكلموا ان 90 حصان ضعيفه مفروض ان تكون على الاقل 100 حصان عشان التسارع وكان بيقارن بالسبرانزا.
بعد كده مشيوا و قعدت فى صالون العربيه بصراحه العربيه مريحه قدام و ورا و كمان عليى عن الارض ولكن شوفت صاجه بين العجلين شكلها غريب سالت المندوب قالى ان ديه عشان تحط تحتها الكريك!!!!! بصارحه شكلها وحش.
وكمان لحظت ان صوت الابواب بتعمل صوت عالى جدا لما تتفتح وكمان لازم تقفل الباب جامد عشان يتقفل كويس بس متهيألى ان بتروح مع الوقت لما السوست تلين فياريت حد من ال معاهم العربيه من مده يقولنا ايه موضوع الصوت العالى.
سالت المندوب على كمبيوتر الرحلات قالى انه الموجود بين العدادات و انا كنت متخيل انه موجود فوق الكاسيت كا ترفيه 
كان فى حاجه برضوا مفهمتهاش من البرشوور بتاع العربيه فى جزء الاوبشن وحتى المندوب قالى معرفش وهى :
Adjustable height of steering wheel .
والعربيه سعرها زاد الف جنيه و العرفتو من اسعار قطع الغيار هى فانوس امامى ب 400 وشويه و الخلفى 225 و قال شويه حاجات تانى بس بصراحة مش فاكر.
سالت المندوب عن عربيات غير اللوجان هتنزل من غيلا جمارك عن طريق المعض قالى لأ احنا متفقين على اللوجان بس.
ده كان كل الحصل فى الزيارة تقريبا ياريت أقرأ تعليق خبراء الرينو و أصحاب اللوجان ( زملاء المستقبل ان اشاء الله ).
أسف على الاطالة
|
شكرا ليك
اولا احب اقولك ان اى عربية تنزل مصر لازم نستنى عليها شويه فى السوق تكون العيوب و المميزات بتاعتها ظهرت
زى اسبيرانزا كده
اما adjusatble height of steering wheel
دى معناها تعديل وضعية الدريكسيون ,يعنى لو واحد قصير ممكن ينزل الدريكسيون شوية , اما وا حد طويل زى حالاتى رجلى تخبط فى الدريكسيون و لازم اريحها على الكونسول فممكن نرفع الدريكسيون عالى شوية
وهى موجودة فى الفيرنا ,, لو تعرف حد معاه فيرنا خليه يوريهالك
__________________
شعبنا قامت قيامته، اى حد يهين كرامته نقل قيمته ونبقى كلنا ايد فى ايد
ام الدنيا بقت ابوها ، واللى يتطاول عليها ، جابه لنفسه و تانى نربيه من جديد