السلام عليكم
بجد مقارنة في الجون
وانا اسف اني برد متأخر
بس اولا احب اوضح حاجة
الافيو دي مقلب
انا كان معايا لانوس 99 كوري زيرو و بعدها جبت افيو 2006 كوري زيرو
و اللانوس برقبتها
الافيو فيها مشاكل لا تحل يا جماعة و كنت فاكر اني عربيتي انا لوحدي هي اللي كده انما لما دخلت المنتدى هنا لقيت كل الناس بتشتكي من نفس المشاكل
بلاش الافيو ...بلاش الافيو ...بلاش الافيو
اما بالنسبة للريو و الاكسنت
فالناس لازم تعرف ان هيونداي و كيا تبع مجموعة هيونداي موتورز العالمية
يعني هما هما بس الاختلاف في التصميم الخارجي
و لازم نعرف ان هيونداي خدت لاين النعومة العائلية و العملية
و كيا خدت لاين السيارات الرياضية
زي سكودا و سيات كده في مجموعة فولكس فاجن
و المقارنة حاليا شبه محسومة للريو لان النيو اكسنت اختفت من السوق و ظهرت الاربي المبالغ في سعرها
و شهر او اتنين و هتنزل الريو النيو شاب 2012 اللي لو ركزنا هنلاقيها برده شبه الاربي بس على رياضي اكتر
بس هتبقى مشكلة لو غلوها زيادة عن الاربي هيبقى استعباط وان كنت انا متخيل ان السيناريو المعتاد ان غبور هينزل الاربي ارخص ب 5 الاف و الريو هتنزل بسعر الاربي الحالي المبالغ فيه جدا
و لان الريو في منها ستوك الشكل القديم 2011
فنازل عليها تخفيضات جامدة
يعني الاوتوماتيك ال 1400 ب 87 الف دلوقتي
و الاقبال زايد
لان النيو اكسنت مفيش منها غير مانيوال و ب 88 الف و في معارض معينة فقط
و لذلك
و لحين نفوذ الكمية
الريو تكسب
و تاني و نصيحة لوجه الله
الافيو مقلب
و يارب اكون افدتكم
