المشاركة الأصلية كتبت بواسطة amho10
تجربتي مع توكيل ال F3 تخليني ارفض العربية دي تماما .. اولا دخلت المعرض اقابل المسئول عشان اتفرج على العربيه لقيتهم قاعدين بياكلوا كشري فى حجرة المدير .. منظر مقرف وريحه استغفر الله .. المهم خدني اتفرج على العربيه ..
العربيه مميزاتها الموتور والعفشة فقط .. لان قطع الغيار متوفرة لكن التقفيل الداخلي سيء والصاج خفيف جدا كل حته فيها بترن والتابلوه شكله تقليدي قوي وكل الخامات زفت بجد ماشوفتش عمري خامات بالسوء ده يعني ال 516 برقبتها .. انا كنت مهتم جدا بيها هي والصغيره ال F0 وكنت ناوي اشتري الاتنين لكن لقيتها اسوء واسوء .. بجد حد بيكره نفسه جدا اللى يدفع فى العربيات دي فلوس .. يعني بعد ما كنت صرفت نظر عن الام 11 بسبب المشاكل اللى بسمعها منكم هنا .. صممت انى اطلع من ال f3 اركب فى الام 11 عشان اعاين الفرق واحس بالاختلاف وروحت فنفس اليوم معرض ابو الفتوح لقيت ناس محترمه وعربيه شكل رياضي وفرش داخلي وتقفيل يشرفك مش يعرك .. سألت المسئول عن كل المشاكل اللى جمعتها من الموقع هنا قالي ان بالنسبه للدينامو انه فعلا كان استوك وحش وكل الناس اتغيرلها الدينامو ببلاش وبالنسبة للتسقيف فى الموتور انه نفس موتور ال 516 بس معدلين حاجه مش فاهمها بصراحه وانه بيحتاج بنزين 92 وكمان بيحتاج قرص على الغيار شويه يعني نقلة التاني يفضل تكون على 30 او اكتر ده غير ان البنزين وحش .. وسألته على السبب فى التنزيل فى سعرها قالي انهم عايزينها تنتشر اكتر لان نجاحها اقل من اخواتها رغم مميزاتها .. وقالي كمان انه عنده عرض تقسيط 7.3% وده لحد المعرض فى نصف يناير ادعولي ربنا يوفقني واجيب الجميله ام 11.
|
طيب هوا فين عنوان المعرض الى شوفت فية العربية ال الام 11 . ارجو الافادة . ولك كل الشكر