رد: انسب نوع مساعدين للدايو و........لدايو2007
سبحان الله
لسة من 4 ايام مغير
انا جبت 4 مساعدين meyle المانى و محل قطع الغيار فلفل فى اسكندرية قالى خلى معاك الفاتورة و لو حصل منهم اى حاجة رجعهم و حتاخد غيرهم مجانا فورا
الامامى الاتنين ب 350 و خلفى 330 يعنى ال 4 ب 680
و البطاحات ال 2 ب 290 تقريبا
و جبت 2 مسمار ميزان بالكاوتش بتاعهم كورى ب 20 ج تقريبا
و بيض سكاترا ال 2 ب 110
و بيض مقصات ال 2 ب 110 بس متغيروش لان اللى عندى طلعوا سلام
من الاخر حسيت انى اشتريت عربية تانية خالص
الحمد لله العربية اختلفت جزريا
و كل الاصوات راحت و المطبات بقت شعور تانى و التحكم بقى محكم جدا و الدركسيون خف هههههههههههه
و الاهتزاز الغتت اللى عند 120 شبه اختفى
المصنعية 150 ج و جيت ادى 20 اكرامية للى اشتغل مرضاش غير ب 10 بس
الزمن 1 ساعة و 45 د
جيت اقوله لسة فى بوش و خبط خفيف فى الدركسيون قالى لا خد بالك العربية باور لازم تبقى مدور و غلط اساسا تلف الدركسيون و العربية مبطلة عشان متبوظش الاويل سيل بتاع العلبة ( مكنتش اعرف المعلومة ديى )
بس فعلا لما دورت الدركسيون مفيهوش شعرة
قولتله اظن مش حظبط زوايا قالى لا على حسب و شيك على الزوايا بدوبارة و قالى لو ضايقتك روح اظبطها
الحمد لله مضيقتنيش خالص
بلى العجل ورا للناحية الواحدة ب 75 تقريبا و مصنعية 20 قول 30 ج
قدام غالية شوية يمكن ب 120 الناحية و مصنعية اغلى من اللى ورا يمكن 50 ج بس يكون عنده مكبس او قريب منه خراط
__________________
سبحانك لا علم لنا الا ما علمتنا
التعديل الأخير تم بواسطة احمد على 1999 ; 11-02-2014 الساعة 04:05 AM
|