ياجماعه والله العظيم ايديا مش قادره تكتب كلمه ولالسنى قادر ينطق حرف من اللى بيشوفه منكم من ادب وذوق وجدعنه ورجوله وشكرا على كم التليفونات والرسايل اللى جت والموضوع هنقلهولكوا زى ماحصل بالظبط :
والموضوع بأختصار ان بعد الكارته بتاعه القاهره علطول اديت العربيه لمحمد ابن عمى عشان يسوقها وبعديها ب23 ك بالظبط عند التحويله التانيه فى المطبات الصناعيه محمد كان ماشى بسرعه ومعرفش يهدى وبدل مايدوس فرامل داس بنزين ولولا ان انا شديت فرامل اليد بسرعه كان حصل مالايحمد عقباه والعربيه اللى خبط فيها الباشا بيجو 405 خليجى اوتو وعربيه نضيفه جدا بتاعه اسيس كنيسه و2 اولاده شباب زينا وهما ناس محترمه للأمانه لكن بعد الحادثه العربيه البيجو ادمرت الأكصدام مينفعش تانى والرفرف الشمال اللى ورا راح فى داهيه والشنطه اتكبست . اما الخساير اللى فعربيتى فى الأكصدام الأمامى هيتغير والسربنتينه اتعوجت والفانوسين عايزين يتغيروا وشويه سمكره فى الكابوت والرفرف الشمال هيدق ويترش والشبكه والعلامه بتاعه اسبرانزاوخلص الموضوع انهم رضيوا بالعافيه بالمبلغ اللى قولتلهم عليه بعد مانزلنا عند سمكرى تبعى وقالى العربيه ادمرت بتاعتهم وحاول ترضيهم بأى حاجه وهو ده اللى عملته
وخدت عربيتى عشان اوديها التوكيل للأسف مفيش امن هناك وملقتش حد عشان اجازه النهارده بس كذا واحد قالى اعملها بره احسن وفعلا هعملها
بره واشوف الدنيا هتمشى ازاى والحمدلله على كل شىء ودى الصور بتاعه العربيه بتاعتى
