طبعا الشتاء يعني شبورة ( الضباب) وخصوصا علي الطرق الزراعية والصحراوية والطرق خارج المناطق السكانية
* الضباب او الشبورة هو تكثيف لجزيأت من الماء في الهواء وبيأدي لتقليل الرؤية بشكل كبير وبيخلي القيادة فيها خطورة وممكن الرؤيا تقل بشكل مفاجئ اسرع مما تتخيل
حاول لو في شبورة تمشي من طرق فيها مناطق سكنية هتكون فيها الشبورة اقل بكتير
طيب ادبست وطلعت في طريق شبورة نعمل ايه
* اهدي خالص وتمشي بسرعة تتناسب مع مدي رؤيتنا لطريق
*هتفتح النور الصغير ( اول تكه في درعا النور) وتشغل كشافات الشبورة
متفتحش الانوار العالية حتي لو بالليل لان الشبورة بتشتت الضوء وجزاء منه هينعكس عليك ويخليك متشوفش الشبورة شبه المريا بتعكس الضوء
* اوعي تقفل الزجاج العربية بالكامل لازم تسيب فتحة لتجديد الهواء ومنع تكون بخار ماء علي الزجاج تعيق الرؤيا حتي لو الجو ساقعة
ممكن تشغل السخانات اللي في الزجاج الخلفي
افتح التكيف علي وضعية ازالة الضباب من على الزجاج لو بقي عليه بخار مياه او زي ما بيقولو الزجاج مشبر
* هتسيبها مسافة اكتر من المعتاد بينك وبين العربية اللي قدامك علشان لو حصل اي حاجة تلحق تقف
خالي بالك زي ما انت مش شايف قدامك اللي وراك كمان مش شايفك
*لو تعبت وهتقف حاول يكون ده في استراحة او اي مكان امن علي الطريق
كتير بيحصل حوادث بسبب ان حد يقف علي جنب الطريق وحد يكون مش شايفه ويدخل فيه
* ابعد عن اي حاجة تشغل او تشتت تركيزك وطي الكاسيت سيب الموبيل
اخيرا ربنا يستر طريق الجميع