رد: قبل أن تشتري اسبيرانزا - احذر!
على فكره انا صديق ابو نورا اللى حكى عليه
وكل كلامه صحيح
وانا دلوقتى عامل بيها 38000 مستلمها 31/1/2007
والعربيه حلوه بالنسبه لسعرها بس هى فعلا بيظهر فيها مشاكل وعيوب
غير المشاكل العامه اللى انتو ذكرتوها من قبل
1/ العربيه فصلت دبرياج وانا فى مطروح 6/8/2008 وقمت بالأتصال بالتوكيل
وبالفعل ارسلو لي عدد 2 فنى لإصلاح السياره بعدما شرحت لهم ما حدث
الفنى اسمه ( جاد . وأبانوب ) وبالفعل اصلحو السياره وقامو بتغيير ماستر علوى ( بدون مقابل)
وكلمنى أستاذ جاد مرتين لمعرفة ايه اخبار السياره
2/ بتاريخ 1/ 2009 السياره بدأت أشعر بها بدبدبه مع المطبات وعين القط فى الدركسيون
ذهبت وشرحت لبشمهندس خالد محى الدين بمركز تكنو سيرفيس جسر السويس
وقام بتغير عمود دركسيون ( بدوم مقابل)
تعليقى انا عما حدث بالفعل فى عيوب ومشاكل لكن التوكيل بيحلها ودى حاجات من المفروض متظهرش فى سياره
جديده خصوصا وان استحدامى معقول مقارنة بأبو نورا
لكن هو توكيل محترم وخصوصا لما بعتلى ناس نجدتنى وانا فى مرسى مطروح وعلى وجه السرعه
ففى مميزات وعيوب وعموما انا يوم راضى عن العربيه والأخر مستاء لكن هى دى امكانياتى وعربيه بالمواصفات دى بالسعر ده تعتبر كانت حلم لكتير وخصوصا واحد زيى اول مره يشترى عربيه
|