باظبط كدة هوا بس كان فيه لبس بسيط عندك.
تلف السوست يؤدي الي تحجير العربية علي المطبات والخبط كله هيبقي في الجسم نفسه والحمد لله انتا عندك عكس كدة.
تلف المساعدين علشا تفهم بيعمل ايه لازم تفهم الاول وظيفة المساعد ايه.
تفتكر ليه ماحطوش سست لوحدها منغير مساعدين او حطوا مساعد لوحده من غير سست.
لاني السستة وظيفتها انها تتلقي الصدمة الرئيسية وتحولها لمجموعة من التموجات كل منها صغير ومع افتراض نظرية التصادم المرن لو كلت مطي العربية دي هتفضل تتمرجح لمالا نهاية.
هنا بقي بتيجي وظيفة المساعد الي هوا بيقلل من عمر الموجة المتولدة في السوستة ويديها جساءة.
بمعني اوضح لو انتا عندك سوستة عادية بتاعت قلم وضغطها وسيبتها فجأة فيه نظرية في الفيزياء بتقول اني السوستة دي هتفضل تتأرجح الا مالا نهاية بافتراض اني الطاقة لا تفني ولا تستحدث من عدم والتصادم دا طاقة واتحولت لموجات يبقي انا محتاج حاجة تقللي عمر الموجة المتولدة والي هيا المساعد والي ببساطة بيعتمد علي استوانطين بيتحركوا انزلاقا داخل بعض معتم في مرونته علي سائل مضغوط الي هوا مساعد الزيت او هوا مضغوط الي هوا مساعد الهوا.
علي فكرة انا حاسس اني كل ما احاول اشرح الموضوع يوسع مني.
لو المساعد بايظ هتحس بالاعراض الي بتشتكي منها لاكن لو السوستة بايظة هتحس باعراض تانية خالص وال ي قولناها في الاول.
نجي بقي للنتائج المترتبة علي تلف واحد منهم:
الاول السوستة والمساعد دا نظام متكامل ووظيفته وظيفة واحدة وهي امتصاص الصدمات وتقليل تاثيرها علي جسم السيارة.
تلف كل من احدهما يؤدي بالضرورة لتلف الآخر بدون ادني شك.
يبق الضرر الاسرع حدوثا لو المساعد باظ اني السوستة هتبوظ والعكس صحيح.
نجي للاضرار الاخري.
تلف السوستة اضراره اكبر لانه بيؤثر علي تماسك جسم السيارة من لحامات او شكل الشاسيه نفسه دا غير معاناتك انتا داخل العربية،
اما تلف المساعد فا دا له اضرار سلامة الركاب لانه بيخلي العربية عاملة زي مراجيح مولد النبي وغير متزنة اطلاقا في الملفات وليس له اضرار علي العربية مباشرتا غير بعد تلف السوستة نتيجة الاجهاد الزايد عليها.
والله اعلم.
انا العربية الي معايا دلوقتي فيها نفس العيب بالمللي وعندي حوالي تلات مساعدين بايظين تماما والعربية فعلا مرعبة في سواقتها بس انا امري مش في ايدي لاني دي عربية شغل وانا بلغت الشغل وهما ماخدوش الاجراء يبقي انا اعمل احتياطي وامشي براحة وما اخودشي ملفات بسرعة وربنا الي بيستر. وعلي فكرة بقي العربية بقت اريح علي المطبات جدااااا هيا اه بتتمرجح بس انا جوا مستريح مادام انا عارف العيب وبتعامل معاه بحاول اقنع نفسي ببميزاته.
ربنا يستر علينا وعليك وعلي المسلمين جميعا شر الطريق.
ارجوا اني ما اكونشي طولت عليك.
