على فكره احتمال كبير جدا يكون العيب من سلوك (كابلات) البوجيهات .. ودى هيبقى حلها ابسط ما يكون ...
المشكلة دى بالمللى حصلت معايا مع فرق ان عربيتى انجيكشن .. واحترت مع الصنايعية واللى يقولى صباب معلق واللى يقولى عيب من البستم نفسه
![CrazyW14](images/smilies/crazyW14.gif)
واللى يقولى رشاش واللى يقولى حساسات ..
قمت قلت لنفسى كده انا مش هخلص ...
وفى الاخر طلع العيب من كابل بوجيه من الاربع كابلات
هتعرف بقى ازاى ؟؟؟
هتيجى والعربية دايره وتفصل كابلات البوجيهات بالترتيب ..
المفروض كل ما تفصل واحد الموتور يبرجل اكتر و يفصل .. كدا يبقى ده شغال ..
لغاية ما هتفصل واحد ومش هيأثر على الموتور يبقى ده اللى العيب منه ..
وغالبا المشكلة من الكابل (مش بيوصل كهربا للبوجية )
اما لو التأثير متساوى يبقى الحرق شغال والعيب من الكربيراتير (او دورة البنزين بشكل عام)
فى الحالة دى بقى هتبدأ تراجع على : فلتر بنزين - فلتر هوا - طرمبة بنزين (احتمال ضعيف) ...
كل ده طبعا على اساس ان البوجيهات جديدة وسليمة ....
يعنى من الاخر العيب مش هيخرج عن الـ 3 حاجات دول :
- كابل من كابلات البوجيهات
لو مكنش يبقى المكنة مش متلتة لكن مبرجله يبقى
- مشكلة فى الكربيراتير او انسداد فى فلتر البنزين وبالمره تاكد من نضافة فلتر الهوا
جرب وطمننا بالجديد ..