المشاركة الأصلية كتبت بواسطة تامين سيارات
السلام عليكم و رحمه الله و بركاته
الف سلامه عليك من اى شر ده المهم الحديد و الفلوس يتعوضو و الله سبحانه يفدى اشياء باشياء
شوف يا استاذى انا هاتكلم معاك بكل حياديه لا فى صفك ولا فى صف الشركة و حضلاتك تعرف انى فى قناه السويس مش فى بيت التامين
ارجو قرائه كلامى للاخر اخى الفاضل
اولا ::: و ده لاى حد بيصلح عربيته ما تصلحش عربيتك من نفسك اسال على مستشار التامين الى باسمه ملف العربيه لانه هايفيدك اقصى استفاده و هايطلعك من مطبات كثيره
ثانيا ::: التامين زى ما بنعرفه كلنا لا يغطى الاستخدام السىء او الخربيش و الحاجات دى لان الوثيقه تغطى
1- السرقه كلى و جزئى
2- الحادث كلى و جزئى ( و هذا ما نقصده )
3- الحريق كلى و جزئى
حيث يا اخى الخربيش غير ناجمه عن تصادم لا تغطى و هذا قانونى فهى لا تغطى
موضوع حساب 3 حوادث و هو قانونى انه المفروض انك تروح تعمل عربيتك اول باول بمعنى ما يبقاش خبطه فى اليمين امامى و بعدين خبطه فى الشمال خلفى
و احب اوضح للاعضاء الكرام شىء مهم جداا (مش معنى ان الوثيقه بدون تحمل يعنى مش هاتتحمل فلوس دة مفهوم غلط ) لانه يوجد استهلاك قطع غيار هو ان لو سيارتك موديل 2012 يبقى هاتتحمل 10% من ثمن قطع الغيار و لو فى التوكيل يبقى فى 10% تحمل على كامل الفاتوره
طيب كان الموضوع الى حضرتك فيه هايحصل فى اى شركه لو انا رحت من نفسى و ما حدش نصحنى ايوة كان بنسبه 70% هايحصل
طيب ما يحصلش امتى قبل ما اصلح اشوف مستشار التامين الى باسمه العربيه و اكلمه و اقوله انا عميل عندك و حصل لى حادث و هوة هايقولى اعمل ايه و هايفيدنى و يوفر عليا فلوس ووجع دماغ
طيب المعاين الى كان بيعاين العربيه او البيه كما ذكرت حضرتك فعلا عندك حق فى كلامك لان نصفهم غير مؤهلين لكن المعاين محق فى موضوع الثلاث حوادث هذا لا جدال
و اخيرا و اسف للاطاله انا كان قصدى من شرح الموضوع بالتفصيل على شان تكون التجربه مفيده و اعرف حقى فين و اعمل ايه
و لو الوثيقه تبقى فيها صلاحيه و حبيت تعمل اى حاجه فى السياره كلمنى حضرتك و انا هاوريك الفرق لما كنت لواحدك و لما يبقى معاك حد اثبات لكلامى الى ذكرته
استعوض الله فى الخساره لو اطلعتم على الغيب لاخترتم الواقع
|
اتفق مع سيادتك في كثير مما قولت ..., لكني اختلف معك بخصوص اصلاح كل خبطة بحادث هذا غير منطقي بالمرة ...., يعني كل ما اتخبط خبطة صغيرة في رفرف ولا جنب اجري اروح اصلح وارش في عربية زيرو ... ودة علشان اية علشان ادفع 250 جنية نسبة تحمل في حين ان الخبطة اصلا ممكن تتصلح بأقل من كدة , ثانيا هصلح وارش الحتة الصغيرة دة ؟؟؟؟ طبعا هتكون واضحة جدا غير ما لو رشيت جنب مثلا , وطبعا التأمين مش هيروش غير منطقة الاصلاح فقط ....., وبالتالي مسألة اصلاح حتة حتة دة غير منطقية بالمرة بالنسبة لأي عميل بيحافظ علي عربيتة ومش عايز تمنها يقل بسرعة من كتر الرش وخصوصا في التفهات ... , لكن طبعا منطقي جدا لشركة التأمين علشان تدفعة نسبة التحمل كل مرة 250 جنية وبالتالي تقطم لة قيمة التعويض للأسف هو دة فكر شركات التامين ومندوبيها ..., مش مهم العربية ولا العميل المهم شركة التأمين لما تتدفع تتدفع اقل ما يمكن وياريت ماتدفعش خالص