[Ahmed_Esmail]

المشاركة الأصلية كتبت بواسطة نبيل عبدالرحمن الموضوع غاية فى السهولة بس المفروض معرض السيارات يبعت معاك مندوب من عنده يخلص لك الرخصة ، لكن لو هاتروح لوحدك يبقى معاك ورق العربية اللى انت واخده من المعرض هاتروح المرور وتشترى ملف جديد للسيارة وتروح عند مهندس الفحص وتاخد البصمه للموتور والشاسيه وتشترى الطفايه وشنطة الإسعاف والمثلث تدفع التأمين الإجبارى فى إحدى شركات التأمين المنتشره فى المرور تدفع الضريبه فى الخزنه تاخد كل الأوراق فى الملف وتقدمها فى شباك ترخيص السيارات الجديدة بعد ما تملى كل البيانات اللى فى الأوراق بعدها سيطلب منك الذهاب الى مخزن اللوحات لإستلام اللوحات الجديدة ثم تعود للكومبيوتر لإستلام الرخصة ويقوم أحد العمال بتركيب اللوحات على السيارة وربنا معاك فى الإجراءات المتعبة دى وألف مبروك على العربية

بسم الله الرحمن الرحيم
انا مش عارف اشكر سيادتك ازاى على اهتمامك بالرد على مشاركتى او استفسارى بمعنى اصح
انت كده حتطلى النقط فوق الحروف
ومتشكر على دعاء حضرتك لى وعلى رايك رنا هو المعين ويسهلى الاجراءات
واخيرا الله يبارك فيك يا اخى العزيز