[حسن فتحى]

المشاركة الأصلية كتبت بواسطة aymanlaw الحمد لله على سلامت حضرتك والأسرة الكريمة ,إذا كنت ناوى تسافر باالسيارة يبقى تسلك نفس طريق الغردقه يعنى السويس والسخنة والزعفرانة ورأس غارب وصولاً باالغردقة ثم حوالى 53 كيلو الى سفاجا يليهم 164 كيلو حتى قنا ومن قنا الى الأقصر 60 كيلو باالضبط ,,الأهم عندما تدخل طريق سفاجا ياريت يكون نهاراً يعنى لو تريح فى الغردقة وتبدأ مع اول ضوء تتحرك متجهاً الى الأقصر وذلك لأن طريق سفاجا به منحنيات تبدوا خطيره للبيمشى عليه لأول مره وهو مش خطير بمعنى مرعب يعنى لالا ولكن يجب السير عليه نهاراً حتى تحفظه وتتعامل معه بحرفية ,,ولكنه من اجمل الطرق فى مصر من حيث المناظر الجبلية حيث تكون مرتفع عن سطح البحر ,مش عارف قد إيه الأرتفاع ولكن دائماً سوف تسد الأذن فتبتلع ريقك كى تتفتح الأذن باالضبط مثل سفر الطائرة,, ولكن اجمل مافى الموضوع هو المغامرة ورؤية طرق جميلة اوممكن حضرتك تقول مناظر طبيعية جميلة فى بلدنا المنهوبة,,وتروح وترجع بأذن الله بألف سلامة ,,قبل ماأنهى موضوعى الطريق من الغردقة الى قنا هو تجاه واحد مع بعض منحنيات طريق سفاجا وسلسلة جبال البحر الأحمر التى بها منحنيات كثيرة ,واقصد طريق واحد مش حارة واحده لا ولكن مابتخشش على طرق فرعية كتير علشان توصل لأصل الطريق يعنى لماهتسأل هتلاقى الطريق امامك مباشرتاً ,,مرة إخرى باالتوفيق لكم وللأسرة الكريمة وارجوك خلى السرعة متزدش عن 80,90 والله الموفق

المشاركة الأصلية كتبت بواسطة aymanlaw نسيت اقول لحضرتك لما هتوصل قنا تدخل على طريق سيدى عبدالرحيم القنائى وهيكون الأتجاه على يديك الشمال ومنه للأقصر وهو ايضاً طريق مستقيم الى الأقصر مروراً بمدينة قوص التى بها مصنع السكر يعنى هتشوف طريق قطار قصب السكر وهواحياناً بيقطع طريق السفر وعلى فكرة مدينة قنا من اجمل مدن جمهورية مصر من حيث النظافة والتنظيم ولما هتوصل الأقصر بعد الكمين تدخل المدينة يمين الى ان تصل الى الكورنيش وهتكون قريب من معبد الكرنك ثم معبد الأقصر وتعمل تور فى المعبدين ثم بعد ذلك تعدى الغرب واعتقد فيه عبارة للسيارات علشان تزور البر الغربى ومعبدالملكة حتشبسوت وتشوف تماثيل هابو ومقبرة الملك توت عنخ أمون وتزور وادى الملوك والملكات وتعمل كروزه فى النيل ,رافقتك السلامة

اشكرك اخى جزيل الشكر لردك وتفاعلك الاكثر من رائع

وطريق الغردقة ممتاز جدا من حيث الآمان ومن يسافر علية يسافر وهو مطمئن
انا سافرت علية ذهاب وعودة من شهر بالضبط

مشكلتة فقط فى طريق السخنة الزعفرانة
الطريق غير مزدوج يعنى المقابل فى وجهك مباشرة
وكمان منحنياتة شديدة وخطيرة جدا
والنقل ماشى براحتة خالص وهتضطر انك تتخطى اى عربية نقل امامك
والتخطى فية خطورة شديدة لكثرة المنحنيات مع ضيق الطريق جدا فى بعض الاماكن

لكنى وانا ذاهب تغلبت على هذا الطريق باننى انطلقت من القاهرة قبل الفجر فوصلت لطريق الزعفرانة مبكرا جدا قبل ازدحامة
ولكن فى العودة كنت علية قرابة الظهر فكان مزدحم وتطلب حرص شديد وهدوء اعصاب وعدم تعجل

عموما مسافة هذا الطريق 80 كيلو تقريبا
فهى لا تؤثر فى باقى ايجابيات طريق الغردقة

ربما اكون ميال لطريق الغردقة كما ذكرت
لانى سافرت علية مرتين ومطمئن الية
لكن هذا سيزيد رحلة السفر 3 ساعات اضافية عن وقتها من القاهرة للاقصر مباشرة
لانك لو نظرت لخرائط جوجل مثلا
ستجد ان طريق القاهرة السخنة ( طريق الجيش ) 120 كيلو تقريبا
ستقطعهم دخولا لساحل البحر الاحمر
وستجد نفسك تقطعهم مرة اخرى بنفس المسافة تقريبا او اقل قليلا للعودة من سفاجا الى وصلة قنا

انظر للصورة المرفقة

لذلك ربما لو فكرت فية سيكون مع الاقامة ليلة فى الغردقة
وهى فرصة ازور الغردقة فى الشتاء

لكن سؤالى
خطورة طريق سفاجا ومنحنياتة تشابة طريق السخنة الزعفرانة مثلا ام اكثر خطورة وصعوبة ؟

اما بخصوص السرعة
انا بحاول امسك نفسى على قدر ما استطيع
لكن الطريق احيانا بيكون مغرى والعربية كذلك
يعنى مثلا طريق الزعفرانة رأس غارب
وبعدة طريق رأس غارب الغردقة باجمالى 250 كيلو
الطريق يا اخى على مد بصرك فاااضى تماما
معقولة هقدر امشى على سرعة 100 ولا حتى 110 القانونى المحددة للطريق
مقدرتش امسك نفسى وانطلقت على 160

وقبل بوابة الغردقة كان الكمين منتظر وصولى بالذات وغرامة 150 جنية فورى

.