[نبيل عبدالرحمن]

المشاركة الأصلية كتبت بواسطة Umoussa السلام عليكم ورحمة الله تعالى وبركاته عزيزي المهندس نبيل، أرجو أن تتقبل تحياتي واحترامي واعتذاري حيث لا أستحق هذه الكلمات الرقيقة وأرجو من الله أن أكون عند حسن الظن بي. لو حضرتك تعرف كم المكالمات التليفونية الي بستلمها كل يوم بسبب موضوع ترجيع العداد مش حتصدق، سواء غش تجاري أو تحايل بين بايع ومشتري على شركة تأمين أو تحايل من معرض سيارات لرفع سعر العربية أو حتى الناس الي قالتها صريحة "عايز أرجع العداد علشان أبيع العربية". المهم الحمد لله نحن لا نقوم بأي عمل يمثل بالنسبة لنا أي شبهة غش تجاري أو تحايل أو ما شابه. بالنسبة لحالة حضرتك، حبدأ بالهيونداي حيث أن مركزنا هو مركز معتمد من غبور لصيانة السيارات الهيونداي، كل العربيات الهيونداي في مصر مفيهاش إيموبلايزر (وارد الوكيل) وطبعاً الموضوع حالياً يدعو للقلق وخاصة إن أحداث ثورتنا المباركة تواكب معها سرقة العديد من السيارات والتي كان أغلبها بكل آسف سيارات هيونداي. تركيب إيموبلايزر للعربية أمر مكلف جداً ويحتاج طقم دوارة كامل (مفتاح + إيموبلايزر + كنترول محرك) والتكلفة ستتجاوز بكل قطع 10.000 جنيه على الأقل بدون مصناعية. للأمانة أنصحك بتركيب جهاز إنذار محترم يكون بيقطع دائرة كتاوت طلمبة البنزين وبالتالي في حالة فتح العربية بدون مفتاحها سيقوم جهاز الإنذار بقطع دائرة طلمبة البنزين وبالتالي لن تدور السيارة. بالنسبة للتويوتا، فيها إيموبلايز وبالتالي حتحتاج شغل علشان نضيف مفتاح جديد للعربية بس مقدور عليها لحد ما. ولك الشكر والتقدير

شاكر لحضرتك ياباشمهندس أسامه لسرعة الرد
وكده أنا كنت قد فكرت فى بيع السيارة الهيونداى ، وبكده هابيعها وأنا مرتاح البال