[فادى]

المشاركة الأصلية كتبت بواسطة ahmed el abiad استاذى الموقر فادى كلامك مضبوط لكن قوة المحرك=العزم×عدد اللفات حضرتك بتقصد فى كلامك لما تكون قوة المحرك ثابتة مثلا فى موتور كهرباء AC فعندما تكون القوة ثابتة مثلا موتور 1 حصان اذا زادت السرعة قل العزم و اذا قلت السرعة زاد العزم او كما فى ناقل الحركة (الفتيس) الترس الاول اقوى و لكن سرعتة اقل من الترس الثانى لان فى هذة الحالة العزم يتناسب عكسى مع السرعة فكلما كان الترس اصغر اعطى سرعة اقل و عزم اكثر . اما فى حالة عدم ثبات قوة الموتور مثل موتور السيارات او موتور كهرباء DC فان السرعة تتناسب طرديا مع القدرة لذا فان كلما زادت القدرة ذادت السرعة . مثال طفيف موتور كهرباء تيار مستمر DC موصل على 6 فولت تكون سرعتة ثابتة لو وصل على 9 فولت طبعا لا سوف تزيد السرعة و العزم و شكرا

حضرتك برضو مفهمتش كلامى قصدى, أنا هوضحلك قصدى بمثال تخيلى,

ده جدول لمنحنى العزم لسيارة تخيلية :
السرعة(أر بى ام) : 1000--- 2000--- 3000 ---4000--- 5000 ---6000
العزم (نيوتن متر) : 80-------- 90 ------100 -----120 -----100------ 70
القوة (حصان) --- : 15-------- 34 -----57------- 91 ------95 --------79

من الجدول ده, أقصى عزم للسيارة هو 120 نيوتن عند 4000 لفة/دقيقة,
و أقصى قدرة هى 95 حصان عند 5000 لفة/دقيقة.
دى الطريقة التى يتم احتساب بها أقصى قدرة للمحرك (لكن بنحسب عند سرعات أكثر تقاربا يعنى كل 100 ار بى ام مثلا), هتلاقى انو القدرة قلت عند السرعة النهائية (6000 ار بى ام), لأن العزم قل عندها بمعدل أكبر من السرعة.
معنى انو الكورولا 122 حصان عند 6000 لفة/دقيقة, فان هذه القوة سوف تقل عند 7000 لفة/دقيقة و سوف تبلغ 100 حصان مثلا.
و برضو الموضوع مفيهوش اذا زادت السرعة زاد العزم, العزم بيزيد مع السرعة الى حد معين هو العزم الأقصى, بعد كده بيزيد الاحتكاك داخل المحرك, و فى الصبابات, و يتسبب بتقليل العزم مرة أخرى مع زيادة السرعة.
ملحوظة قمت باحتساب الجدول بالمعادلة السريعة :
القوة الحصانية = العزم* السرعة(ار بى ام) / 5252