م.وائل
بالنسبة لأولا حلو اوي كلامك عن الولاء والبراء انه بالافعال يبقي انا مش عايزة فلان لان فعله وتاريخه مش صح(وميختلفش عليه 2)
الولاء يعني ان انا مروحش اقول لواحد مسلم بالاسم فقط وكل تاريخه (من الناحية الدينية ) ملئ بالاخطاء ان هو يبقي رئيس وان اللي انا عارفة ويشهد له الجميع بالامانة اقوله خليك علي جنب
خصوصا ان كمان لا دة ولا دة وروني البرنامج الانتخابي بتاعهم
يبقي انا باحكم دلوقتي حاليا باية قبل البرنامج الانتخابي ما يطلع
بحكم بالتاريخ بتاع كل واحد وسيرته الشخصية
انا ك هبة عايزة وزارة الصحة ، التاجر عايز وزارة التجارة والصناعة وقس علي ذلك
طيب انا لو عينت رئيس دولة طبيب يا سلام هو دة اللي هيحل المشكلة بتاعتي
التاجر كذلك لو عينو رئيس دولة رجل اعمال البلد هتنطلق انطلاقة وتبقي من احسن الامم
كل يبكي علي ليلاه يبقي مش المقياس هو بيشتغل اية لا هو هينفذ وذو شخصية ومبادئ ولا لأ
طيب كل واحد من اللي مترشحين هينزل ببرنامجه الانتخابي مع العلم انه لا يوجد ضمان لما يقولون
ساعتها المعطيات اتغيرت هنشوف مين الافضل ولكن ....
مثلا حسين ملتزم جدا جدا جدا وعنده حنكة وبيفي بوعودة وبيتقي الله
اما شريف تاريخه في الالتزام نص نص ومعاملاته الي حد ما كويسة ولكنه احسن من حسين في البرنامج بتاعة ومتفوق جدا جدا في عمله وانجازاته تشهد له بذلك ايا ما كان
اما علي بقي للاسف هو معندوش التزام خالص (وخد بالك انا مش هكفر ولا اأسلم لست انا من اعلم ما في السرائر ولكن انا هقول حاجه ان انا لية بالظاهر امامي من الاعمال
زي شروط الشاهد
وشروط راوي الحديث
المهم ان علي هيحكمني ......لما اقوله اتقي الله هيقولي اية ، لما اقولة قال الله وقال الرسول ؟
دي مأساة بكل المقاييس هنبقي تركيا دلوقتي بقي ؟ ولا اية
ولية نختار واحد امة وابوة منحرفين وهو لما واحد يتربي كدة هو هيكون اية
انا مبقولش نختار الاول لازم ولا التاني لازم ولكن لو استبعدنا الثالث يبقي فاضل الاول والتاني وفي الحالة دي انا هابحث وهفكر كتير في اختيار ال2!
يبقي انا لا اكفر ولا ااسلم
ولكن انا احب من يكون مسلما ويقول بالاسلام ويتق الله ومش عايزة اللي بيقولي فصل الدين عن السياسة وملناش دعوة باحكام الدين في الحكم
انا شايفة ان الرسول صلي الله علية وسلم لما حكم المسلمين حكمهم ازاي كان اولا حسن الخلق
وكان أمي
يعني العلم وامور التعليم والصحة وكل الحاجت دي هتتحل بالناس اللي مع الرئيس لان مفيش واحد مغطي جميع جوانب الحياةلكن هو بالتزامة وشخصيته هيراقب تنفيذ الكلام دة
ولكن اولا واخيرا لازم يكون بيتقي الله وبيخاف من حساب الله
ما هو متقنعنيش ان في رئيس هيعمل الهوم وورك ويجي بليل يطلع للشعب يقولهم انا عملت النهاردة كذا وكذا
انما في واحد قبل ما ينام لو عنده ضمير بيفكر كويس انا عملت اية النهاردة وبيحاسب نفسه كويس جدا يبقي اولا واخيرا التزامه امام نفسه هو الفيصل ولكن ليس لان المفروض والمطلوب منه انه يعمل كذا وكذا ولو معملوش ..
وبعدين بقولها تاني ما احنا جربنا كل الناس في الحكم اشمعني دة اللي مش عايزينه خايفين من الدين في اية الدين هو اللي كان مخلينا افضل امة ازاي نقول ان الدين هيعطل ؟ من يتهيب صعود الجبال يعش ابد الدهر بين الحفر
انا مش هاختارة عشان شكله جامد
انا بقول تاريخه اية وعمل اية لان احنا لسة مشفناش البرامج
وعلي كلامك يبقي برضة منختارش ب ولا ج ولا د لان كلهم ملهومش برنامج انتخابي احنا بنتكلم دلوقتي علي اللي بين ايدينا
اما بقي لمدة الحكم احنا اصلا بنضع واحد اسلامي في ظروف حديثة بمعني ان زي ما قلت قبل كدة انتم اعلم بامور دنياكم احنا حطينا شرط اربع سنين عشان محدش ييجي يقعد 30 سنة يبقي المؤمنين عند شروطهم زي ما اتفقنا
الدين الاسلامي احكامه مرنة مش متعجرفة بالعكس هنفضل لحد امتي نبعد عن الدين الحل فيه ونبعد عنه لحد امتي في اية اكتر من اللي شفناه لما ابتعدنا كل البعد عن الدين ومش هتكلم علي المستوي السياسي لا انت في منطقتك وفي شغلك وفي كل حاجة دايما ما بتلاقي حد بعيد عن الدين بيبقي حاله اية؟ صلة الرحم الصدقات اعانة الفقراء الزكاة بر الوالدين نصرة المظلوم احقاق الحق الاتقان ، هل تمتع بهم شخص وهلك ؟ انا مش هقولك امثال بص انت حواليك وقولي وهاستعير القول دة من خطبة ابو بكر عند تولية الخلافة ولا تشيع الفاحشة في قوم قط إلا عمهم الله بالبلاء
انت قلت عايزة يحكم بالاعمال مش بالنوايا عليك نور هو دة اللي انا عايزاه
بس الاعمال السابقة لان البرنامج لسة منزلش انا بحكم دلوقتي وباختار دلوقتي علي الماضي ولما ينزل البرنامج هيبان اكتر وان كنت اشك برضة لان انا ممكن اوعد وفلان برضة هيوعد لكن يا تري مين فيهم اللي هينفذ
هل انت متخبل ان في احكام احنا هنحطها للرئيس وهل هيسمحوا لينا بكدة طب افرض محصلش يبقي مش الاحسن برضة اننا نختار واحد ضميره بيحكمه؟