[goudai]

فعلا يا ريت الناس كلها تنزل الميادين ونورى كل العالم قد ايه احنا ديمقراطيين واحرار نابى اى شىء وكل شىء حتى احكام القضاء المصرى الفاسد المستبد المسيس اللى عمره ما نصف مظلوم ولا حاكم ظالم
ياريت كلنا نلتف حول راية الاخوان الناصعة البياض الخالية من اى شبهات لان الاخوان الان اخرة قشة يتمسك بها شعبنا الغريق
ياريت كلنا نؤيد ونبايع المرشد ماله المرشد انا عايز اسمع انتقاد منطقى واحد بس للمرشد ده راجل عظيم بيقود جماعة عظيمة
عمرهم ما كدبوا ولا ادلوا بتصريح وبعدها بساعتين غيروه وعمرهم ما عملوا حاجة غلط
دول ناس اقرب ان هم يكونوا معصومين من الخطا مصلحتهم الاولى والاخيرة تحقيق المصلحة العامة وعلى فكرة مافيش اى اوجه تشابه بينهم وبين الحزب الوطنى الفاسد
دول حتى لما حبوا يعملوا قانون عمر كان غرضهم مصلحة الثورة والبلد ولما نزلوا 2 مرشحين للرئاسة كان غصب عنهم هما شايفين حاجات كتير احنا مش شايفنها وعارفنها
هما يعرفوا مصلحتنا عنا وبعدين دول مش هيعملوا حاجة وحشة فى البلد ومش هيستغلوا الدين خالص دول هيغنوا معانا ويرقصوا وبعدين الناس اللى بتقول ان الاخوان بيقولوا ان صوت المراة عورة يا جماعة دول بيفتروا عليهم هما الاخوان مش طلبوا صوت المراة فى الانتخابات سواء نيابية او رئاسية يبقى ازاى هيستعينوا بصوت المراة وهما بيقولوا انه عورة
ارجوكم يلا كلنا نتوحد بقى كفاية اختلافات وفرقة
كلنا نشوف الاخوان هيعملوا ايه ونعمل زيهم ومانفكرش الموضوع مش محتاج تفكير دول الاخوان احباب الله