ياجماعة انا باتصفح المنتدي هنا ولاقت ف اسكندرية اخ عامل موضوع عن بلال موتورز في الداون تاون وانه اشتري سيارة زيرو وفجاءة بعد كام اسبوع اكتشف عيوب ودهان وراح اشتكي واكتشف ان السيارة مرشوشة وكانت مستعملة وانا سؤال هنا الناس الل معندهاش خبرة وراحت تشتري سيارة جديدة من معرض مش من شخص طبعا تعمل ايه وتتاكد ازاي انها جديدة وانه اول واحد حيسوقها لان طبعا العدادات بتتصفر عادي وكمان السيارات بتتدهن اهو يبقي الواحد يتصرف ازاي
علي العموم انا حصلت معايا مرة في موبايل وكنت جايبه جديد بالعلبة من كام سنة قبل مواضيع السلوفان والتغليف المنتشر اوي دلوقت والمهم لما روحت البيت لاقيت في التليفون 45 اسم متسجلين في سجل الاسماء
روحت رايح للمحل وكان مشهور وطبعا عرق الدنيا والاخرة بس انها توصل للعربيات وشقي العمر يبقي لازم الواحد ياخد باله
ارجو النصيحة بالله عليكم وبلاش موضوع خد حد ليه خبرة لاني مش بافضله ابدا لاني بحب اشتري حاجاتي بنفسي وبدون وجود حد معايا مهما كان قريب او صديق