[MohabSaeed]

المشاركة الأصلية كتبت بواسطة محمد حمزه2000 استاذ مهاب تقرير ممتع جدا ودعاية رائعة للبروتون ولو بايدي تستاهل نسبة من المبيعات بقول لو بجد تقرير لا يضاهيه روعة الا روعة قلمك وروعة شخصيتك المحترمة سؤال يطرح نفسه اعطال النيو نيسان الصني بالمقارنة باعطال الواجا ممكن اعرف النسبة تقريبا لصالح مين وكمان مقارنة ما بين اسعار قطع الغيار للسيارتين ان امكن شاكر لكم الرد والموضوع

ربنا يخليك يا أ-محمد

متشكر جدا جدا على كلامك الجميل و بجد سعيد ان الموضوع عجبك .

للاسف معنديش فكره عن اسعار قطع غيار الصنى الجديده او اعطالها .

بالنسبه للصنى مش عاجبنى التصميم الداخلى ليها و الكاست الى بينزل فيها مبوظ شكل التابلوه جدا , غير ان المساحه فى الكنبه نوعا ما ضيقه مش زى باقى السيارات من نفس الفئه . و لكن بالنسبه للتصميم احسن كتير عن الموديل القديم .و كأداء مسمعتش حد اشتكى من مشكله ميكانيكه فيها .... كنت شوفت شكوى من كذا شخص من دفيره الكهرباء و كانت بتتغير فى الضمان و كام شكوى من الدهان فى الموديلات الاولى .... غير كده مافيش شكاوى كبيره ..... بس اكيد مٌلاك الصنى فى قسم نيسان حيفدو حضرتك اكتر منى .


اعطال الواجا ....مافيش اعطال معينه متكرره فى الموديلات الجديده من الواجا , مسمعتش حد اشتكى من حاجه زى الموتور , الفتيس العفشه . ولو فى شكوى بتبقى حاجات بسيطه فى التقفيل " ازاز , سنتر , " و ان كان ده نادر و بتتعالج فى التوكيل .... لكن اعطال ميكانيكيه مافيش .

عموما الواجا معروفه بانها اقل سيارات بروتون من حيث الاعطال و مشاكل التقفيل .

اسعار قطع الغيار غاليه نوعا ما فى التوكيل , و معظمها متوافر بره التوكيل " مش كلها " . و باسعار متفاوته من الرخيصه جدا الى المتوسطه .

الموتور الواجا الشكل الجديد نفس موتور الجين 2 و قطع غياره متوفره بره فى المحلات المتخصصه فى بروتون .

الحاجات الى ممكن ماتلقهاش بره " بالنسبه للشكل الجديد " الكبوت و الاكصدام الامامى والشبكه , لانهم مختلفين فى الشكل عن الواجا القديمه ..... باقى الاجزاء كلها متوافره لانها نفسها فى الواجا القديمه .