الحمد لله ياخونا بعد بحق طويل وعناء وتدوير فى المعارض وفى المجالات ومواقع الأعلانات والأسواق ,الحمد لله إشتريت خلاص هى بومة 2007 إتوماتيك جميع الكماليات 1300 سى سىى وهى فابريقة بالكامل ماعدا بعض الأجزاء أتأكدت إنها مش خبطة ولا حاجة ولا معمولة لكن عموما هى فابريقة والراجل بيقول ليها ملف فى الرواس ماشية جامد شوية بس ده جيه فى سعرها لكن العربية كشفت عليها ومهندس البنزينة عمل لى تقرير
والعفشة سليمة وذى الفل
والشاسيه سليم مفهوش حاجة خالص
والمساعدين
قوة الماتور 77%
لكن عامة العربية ممتازة وشالتنا أربعة وجريت
طبعا أنا سمعت كلام من الأخوة هنا إن اللانسر بومة إتوماتيك بتموت والكلام ده لا لا العربية فظيعة وسريعة جدا والثبات رائع أنا وصلت 120 والعربية لم تهز لها جفن طبعا الطريق كان منيل ب ستين نيلة
طبعا وأنا راجع كان الطريق ضالمة خالص رايح جاى فخدت مطب على 30 ومطب جامد طبعا رزعة جامدة ومحاولتش إدوس فرامل جامد بصراحة لكن دست نصها فقط وملحقتش طبعا العربية خدت الخبطة جامد لكن بسم الله ما شاء الله فى المقصورة لم أشعر بها قطـ
المهم بقى ياخونا العربية الناقلات بتاعتها مش بتاخد ثانية
ومشيت حوالى 264 كيلو ب حوالى 30 لتر بنزين 92
طبعا مش أقول لحضراتكم أنا أتبهدلت بهدلة الناس كانو بيدلوا الطريق غلط خلونى أروح من القاهرة لبلبيس ومن بلبيس للزقازيق ومن للزقازيق للسنبلاوين ومن السنبلاوين للمنصورة بعد ماكنت مفرهت ورجلى إتخدرت
المهم وصلت المنصورة العامرة ودخلت الشارع بتاعى وحاطت إيدى على قلبى إن عندنا ناس ولا *** هايخربوا أمها لكن ربنا يستر
طبعا لم وصلت فى الأخر لاحظت إن الدركسيون مكتوب عليه SRS وكلمة Airbag وفيه لمضة حمرا منورة لما العربية بتدور مكتوب SRS طيب لو فيها آير باج يبقى المفروض فيها ABS إعرف منين؟ أصل الفرامل جميلة أوى بتوقف العربية فى ثانية والأن لي ملاحظة دلوقتى ياخونا لما العربية مشيت 6 ساعات إبتدت إسمع صوت تصفير بسيط زاد وأنا راجع جدا لكن لما ركنت وإستريحت ساعة كده رجعت ذى ماكانت
العربية ناعمة أوى وجامدة جدا جدا ومنظر جامد ومش عايز أقول لحضراتكم فرحان قد أى ؟إيه المطلوب منى دلوقتى عشان حبيبة قلبى الجديدة فى الصيانة
ياترى ممكن حد يقولى أروح لمين فى المنصورة لما العربية تحتاج صيانة انا سمعت إن فيه مركز صيانة محترم!ياريت تدلونى عليه
كلمة أخيرة ياخونا العربية أنا حاسس فى الطريق إنى راكب مركبة فضائية والله