المشاركة الأصلية كتبت بواسطة abdohtaby
العربيه ما شاء الله جميله اوي اوي اوي وانا انشاء الله هشتري واحده بس مش عارف هشتري انهي واحده والي بكام علشان الفلوس مش عارف بس انا كان ليا شويه اسئله هي الفتيس مبينورش ليه البي والدي والار وكده يعني مبينوروش ليه زي الاوبترا وايه + _ ايه دول الي في الفتيس وياريت لو عرفت تعرفلي نوع الكاسيت ايه الله يكرمك والف الف الف ملون شكرعلى الصور الرائعه يا قمر وانتا فعلا قمر وانتا شبه اخويا جامد اوي والله بس هو في فرنسا  والبتاعه الي على الشنطة دي الي بتنور لما بتدوس فرامل هي الي متركبه والا انتا الي مركبها وهو العجل بتاع العربيه الجنوط مختلفه ليه عند الاستاذ يحى مصورها والكاسيت مختلف تماما بتاعك احلى بكتتتتيير وانا معاك ان هي مفتقرة في الاوبشنز والصوت بتاع العربيه عامل ايه العزل كويس ولالا وصوت الكاسيت عامل ايه وبياخد كم اسطوانه والتكيف مش منور ليه هو والفتيس وممكن ايميلك الياهو يا استاذ عبدو ولالا وملحوظه صغيرة انا اسمي عبدة حطابي وفي الاصل عبدالله حطابي والف شكر على التقرير الرائع ده |
شكرا يا باشا وانت اللى قمر والله وان شاء الله اخوك يرجع بالسلامة وتشوفه احسن واحد فى الدنيا بالنسبة للعربية فانا معرفش حضرتك معاك كام لكن خليك فى فئات ال1600 اوتوماتيك عشان يبقى معاك عربية محترمة والفتيس مبينورش لان للاسف تصميم العربية كده اما بالنسبة لل + وال - زى ماقال اخونا يحيى ان ال + بيزود الغيار وال- بينقص الغيار ولعلم حضرتك الخاصية دى مش موجودة فى اى عربية يابانى فى مصر الا فى البومة واعتقد السوبارو امبريزا حتى الهوندا سيفيك الى ب 200 الف مفيهاش خاصية ناقل الحركة المانوال اما نوع الكاسيت فهو TELEFUNKEN واعتقد انو من انتاج ميتسوبيشى اما بالنسبة للبتاعة اللى على الشنطة فهى اسمها سبويلر ودى مهمتها كالاتى
الجناح الخلفى ( السبويلر ):
الجناح الخلفى هو أشهر الإضافات الأيروديناميكية التى تضاف إلى السيارات لمختلف فئاتها وأكثرها استخداماً ، فهو على الأرجح القطعة الأكثر تأثيراً وسهولة فى التركيب فى سبيل الحصول على المزيد من الثبات لمؤخرة السيارة على السرعات العالية وفى المنعطفات .
ويعمل الجناح ببساطة على التصدى للهواء بزاوية محددة ، تجعل الهواء يدفعه للأسفل بما يدفع السيارة فى المجمل إلى الالتصاق بالطريق أكثر ويحسن من أداءها ، مع زيادة هذا التأثير طردياً مع السرعة بما يلغى تلقائياً الحاجة إليه على السرعات المنخفضة ويزيد من تأثيره كلما ازدادت الحاجة إليه .
ولكن لم تتوقف أجنحة الهواء عند هذا الوظيفة فقط ، حيث تطورت الأنظمة المتحكمة بها ليظهر بعض الأجنحة – كما فى بوجاتى فيرون – والتى يتم التحكم بها عن طريق وحدة تحكم خاصة ومن خلال دورة هيدروليكية ، ليعدل الجناح من وضعيته حسب ظروف القيادة ، بين وضعية انسيابية تسمح بمرور الهواء دون عائق ، ووضعية لزيادة ثبات السيارة ، إضافة إلى وضعية تصدى كامل للهواء تساعد السيارة على الكبح .
و السبويلر اللى فى العربية مزود بمصباح خلفى ليدات او LED للمكابح والسبويلر ده جاى مع العربية ومش بيجى غير فى اعلى فئة الى 135 الف وانا ممكن كنت اجيب العربية منغير سبويلر وابقى اشترى السبويلر من بره لكن قولت السبويلر ده متصمم عشان العربية دى مخصوص و مش هلاقى زيه وبعدين ده الاصلى اللى جاى من المصنع عشان اللى فى السوق معظمه مضروب و واعلى فئة فى الانسر دايما بتبقى مميزة ان فيها سبويلر وفتحة سقف وفتيس وطارة و فرامل يد من الجلد الطبيعى وبعد الكماليات الرفاهية الاخرى اما بالنسبة للجنوط بتاعة العربية فهيه مش بتيجي غير فى فئات ال1600 اوتوماتيك اما اللى استاذ يحيي مصورها هى اوتوماتيك اه لكن 1300 سى سى وجنوط 14 وبعدين اللى فى التقرير بتاع الاستاذ يحيى طاسات مش جنوط اما الكاسيت اللى فى التقرير بتاع استاذ يحيى مكانش متركب الوش بتاعه اما عن موضوع العزل فانا مقدرش اختبره لانى العربية القديمة كانت 131 فالميتسوبيشى دى بالنسبالى بى ام فتقييمى ممكن يكون مش صحيح بس من كام يوم واحد صاحبى ابوه عنده 128 فركب معايا العربية و مكنش مصدق انها دايرة والكاسيت انا لسة مجربتش هو بياخد كام اسطوانة لان الاغانى بتاعتى كلها على ال USB وصوت الكاسيت ممتاز والتكيف بينور بس مش هتلاحظوا غير بليل لأنو بينور ابيض اما عن ايميلى على الياهو فهو مسروق بس ده ايميلى على الهوت ميل
strong_heart2009@hotmail. com
و بعتذر عن الغلطة الغير مقصودة فى الاسم
بس النهاردة وانا بقرا عن العربية لاحظت ان عفشتها عفشة سبور ودى بتبقى ناشفة شوية بس مش زى السيراتو بس بتدى ثبات خرافى واهلا بيك فى اى وقت وتحت امرك فى اى استفسار
