[koashraf]

عايز ادردش شويه معاكم عن ملاحظات لى وانافى الواحه ..يعنى مثلا لاحظت ان شجر النخيل مش عالى زى عندنا فى الاسكندريه ووجه بحرى بصفه عامه بمعنى انك لومديت ايدك وانت واقف على الارض تطول البلح على الشجره..حاجه تانيه ان الجريد القديم موجود على النخل يعنى مش بينضفوا النخل منه طيب ليه وعشان انا بحب افهم سألت فقالواالاتى ان ايه حاجتهم ام هم يتسلقو النخل عشان يجيبو البلح النخله لماتطول اوى بنقطعها ولان الجو عندنا حار وجاف جداً فبنسيب الجريد على النخله يلطف شويه الجو حواليها ويحمى البلح من التلف من الجو الجاف.fficeffice" />
حاجه تانيه لاحظتها ان اسعار الخضار والفاكهه مرتفعه على الرغم من توافر جميع الخضروات والفاكهه وطبعا ً عرفت ان اغلب الخضروات الموجوده فى الواحه يتم جلبها من خارجها وده لان الجو الجاف جداً طول العام(على الرغم من توافر المياه) يؤدى الى تلف المحصول خصوصاً الخضروات وطبعا بيضطروا يجلبوها من مطروح أومنطقه تسمى القصر وممكن من البحيره والملاحظ ايضا ان حتى وقت قريب كان اغلب السكان لاتشتكى من الامراض خصوصا الامراض التى تتعلق بالتلوث (مثل السرطان)ولكن مع دخول المنتجات التى تعتمد فى زراعتها على المخصبات والمبييدات بدات هذه الامراض والتى لم تكن الواحه تعرفها فى اصابة السكان نتيجة المنتجات الملوثه .