رد: صيانة الريس ميكانيكا البايك مشاكل وحلول (مجهود الاعضاء)
وبالنسبة (للمشكلة الثانية) البرجلة طلعت من التاكيهات انها محملة
وبعد ظبطها فاقت الماكينة شوية
--------------
موضوع التاكيهات دة برضه غريب
اخبرته انه ضبط لي التاكيهات من قبل فقال لي انه ضبط التاكيهات الامامية ولكن المشكلة في التاكيهات الخلفية بتاعة الشكمان!!
احكي لكم ..
فك الردياتير وفضاه من المية
وفك وش الموتور
ودخل حاجة زي المطواه اسمها فيلر في منطقة مزنوقة لم اراها
ويفك ويربط في مسامير (الموضوع اخد اقل من ٥ دقائق)
رجع وش الموتور بعد ما وضع لاصق على الجوان ليقفل الوش
وركب الردياتير ووضعنا به مياه ملونة
طلب ٨٠ جنيه
اديتهم له ما علينا وجربت الموتوسيكل اتحسن كتير وصحته رجعت له ولكن وانا بجربه مازال مخنوق شوية في التعشيق الثالث والرابع فاخبرني باني محتاج لمشوار طويل ليظبط الموتور
بعد ما مشيت من عنده لاحظت تساقط زيت كثير من وش الموتور
فرجعت له فك الردياتير ثانية وفضى المياه منه وفك وش الموتور فوجد ان الجوان الجلد مقطوع ولابد من شراء اخر - اخبرته انه كان بيسرب من جهة اخرى خلاف الجهة التي بها القطع ولكنه حاول اقناعي بان التسريب للزيت خرج من مكان غير المقطوع وليس له علاج لابد من استبداله - حتة جلدة اولسيه جبتها استيراد ب ٢٠٠ جنيه (طبقا صعقت من الرقم انا اعتقدت انها هتكون في حدود ٢٠ جنيه)
فانا اعتقد اني ضحية لاهمال هذا الميكانيكي لاني لم يوفقني الله لصنايعي عنده ضمير
فموضوع التاكيهات محتاج فهم
لانه بيضبط صوت الموتور وفاعلية الماكينة بطريقة مذهلة
- شباب لو بطيل عليكم ينبهني احد ومافي زعل -
انا بفضفض مع اخوتي واكيد مشكلاتي قد يقابلها بعض الاخوة وخاصة المبتدئين
|