المشاركة الأصلية كتبت بواسطة akerima
طبعا اللوجان وعن تجربة اكتر من سنة ونص وبعد تجربة الفيرنا والانوس لاكثر من سنتين لكل منهما - وبجد انا مستغرب يا ريت اللي يعد في مميزات اي عربية يا ريت كمان يقول العيوب عشان يبقي فيه امانة في نصيحة الراجل اللي بيسال
مميزات اللوجان
1 الاعلي في فئتها في الكماليات وعوامل الامان - اللي مخالفني يقول الانواع التانية فيها ايه زياده
2 الاوسع والاكثر عمليه ومناسبة لاي اسرة
3 اتزان جيد وفرامل ممتازة
ودلوقت متوفر منها 3 انواع لوجان وسانديرو وستيبواي يعني انت وزوقك دا غير الاتوماتيك
عيوبها
1 قطع الغيار غالية نسبيا عن الكوري - بس متوفر دلوقت في كل حتة دا غير ان فيه منها صيني باقل من سعر الكوري بس ما نصحكش بية
2 ماتور المانول في الشد مش حيديك اللي في دماغك لكن مع السرعات العالية والطريق مفتوح محدش حيعرف يجيبك
دا بالنسبة للوجان
وطبعا بعد لما اخواتي عددوا في مزايا الفيرنا بطلب منهم بالامانة يقولولنا برضة ايه العيوب اللي اشتكوا منها غير ضعف الفرامل وضيق العربية لان كل الناس عارفة العيوب دي لكن انت بقي كراكب للعربية بتحس فيها بايه وايه مشاكلك معاها وماتنسوش ان انا ركبتها سنتين من الزيرو برضة
|
يسلم فمك يا أستاذ أشرف, والله أنا نفسي أقابلك يوم طالما إحنا من إسكندرية زي بعض.
لأ وأحلى نكته, إن فيرنا عفشتها قوية وتستحمل شوارعنا بعكس اللوجان عايزه شوارع حنينه هههههه دا أنا كنت مره مع أخو مراتي وهو معاه فيرنا ومعانا واحد كمان يعن يثلال أفراد, أقسم بالله كان بياخد المطبات بالورب وبرضه كنا بنحك فيها. مع اللوجان انا نسيت صوت حكة المطب في العربية عامل إزاي, مهما كانت الحمولة.