المشاركة الأصلية كتبت بواسطة M!NA
زيت الفتيس الأوتوماتيك ينصح أنه يكون درجة لزوجة 90 (موبيل أو شل) و ممكن تغييره عند أي ميكانيكي شغال في الجيب عادي.... بس قبل ما تروحله اسأله عن نوع الحاجة اللي بيرفع بيها الزيت... لأنه ممكن يكون عنده الكاركة مليانة زيت أصلا و أكيد مش هيفرغهولك و يحط الزيت اللي انت جايبه...... فعشان متجيبش زيت و متستخدمهوش....
بس دايما بعد تغيير زيت الفتايس و الكوارين بيوم أو يومين لازم تراجع اذا كان فيه أي ترشيح أو تسريب من أي من الفتيسين أو الكرونتين.....عشان تقدر تلحقه.....
بالنسبة للكوارين... كتير من الميكانيكية بيحطوا 140.... و أنا شايف أن ده مش صح...
الميكانيكية اللي بيفهموا بيحطوا 90
أنا رأيي عشان نكون في الأمان أفضل اختيار هو زيت متعدد درجات اللزوجة 85-140
و ده بيغير درجة لزوجته بحسب حرارة التروس.... كل ما تسخن أكتر.... كل ما يتقل....
بس ده منصحكش بيه في الفتيس...... كوارين بس.....
|
استاذ مينا مشكور على الاهتمام والرد السريع الوافى