رد: عملت كام حادثة مع الستات في حياتك؟
ليه انا حصلي موقف كمدي بدرجه ملهاش حل
جاي من دهشور وبعد ما عديت القطر في طريق الفيوم اللي بعد دهشور
وكنت راكب فولفو 244
عربية عيون متفيمه كلها انا ماسك اليمين وماشي علي 80 عشان الصبح شفت الرادار فبصراحه كنت مقلق عشان الظابط كان زعلان انه ممسكنيش ردار
والعربية دي جت رمت عليا وطلعت قدامي بدون سبب وراحت ماشي علي 50
اهدي تهدي اجي يمين تيجي معايا اجي شمال تيجي معايا رحت لازق الاكصدامين في بعض وبدي نور وقرصت وهي تشد وانا اشد لحد مالقيت نفسي جايب 110 والعربية عندي عل قدها
رحت مدي إشاره شمال ورايح ناحية الشمال سنه جت شمال رحت داخل يمين وجاي جنب العربية لاقيت واحده فتحت الشباك وضحكت وطارت كأنها جت تقرفني ومشيت بس بأمانه موس سواقه قلبها ميت رغم اني كنت خايف علي عربيتها لأن عربيتي كانت يدوب تمن الاربع فرد بتوعها بالجنوط
والمرة التانية خارج من شارع جانبي علي شارع الترعة في شبرا وفي اتوبيس راكن علي ناصية ا لشارع
ومش مخليني شايف فقولت اضرب نور واطلع بوز العربية علشان اللي جاي يشوفني
ويدوب طلعت 5 سم من العربية ووقفت ولاقيت عربية جت خدت ببانها بوش الرفرف بتاعي البابين اتقطعو نزلت واحده بصت علي العربية انا محصليش حاجه راحت ركبه وطايره ولا كأن في حاجه بس المرة دي كانت بعربيتي الفارهة (السيات) وهي باكسنت بس بجد صعبت عليا عربيتها
وربنا يستر عليا وعليكم
__________________
إن الملوك بلاء حيثمـا حلـوا فلا يكن لك في أبوابهـم ظـل ماذا تؤمل من قوم ٍ إذا غضبوا جاروا عليك وإن أرضيتهم ملوا فاستغن بالله عن أبوابهم كرمـاً إن الوقوف علـى أبوابهـم ذل مصرى وأفتخر وبحبك يا مصر
|